Барои кормандони мақомоти прокуратураи Тоҷикистон дар мавзуи пешгирии зӯроварӣ дар оила машғулияти назариявию амалӣ доир шуд
ДУШАНБЕ, 02.11.2023 /АМИТ «Ховар»/. Донишкадаи омӯзиши масъалаҳои қонуният, тартиботи ҳуқуқӣ, ҷинояткорӣ ва такмили ихтисоси кормандони мақомоти прокуратураи Ҷумҳурии Тоҷикистон дар якҷоягӣ бо намояндагони Дафтари САҲА дар Душанбе оид ба «Огоҳонидан, ошкор намудан ва тафтиши ҷиноятҳои алоқаманд ба зӯроварӣ дар оила» бо иштироки ёрдамчиён ва муфаттишони прокуратураҳои шаҳру ноҳияҳои Вилояти Мухтори Кӯҳистони Бадахшон, прокуратураҳои ҳарбии гарнизонҳои Хоруғ ва минтақаи Рашт, ноҳияҳои Нуробод, Рашт, Сангвор, Тоҷикобод ва Лахш машғулияти назариявию амалӣ баргузор намуд, хабар медиҳад АМИТ «Ховар» бо истинод ба Прокуратураи генералӣ.
Тавре дар хабари расмии Прокуратураи генералӣ омадааст, ҳадафи баргузор намудани ин машғулият- такмил додани донишҳои назариявию амалӣ, баланд бардоштани тахассуси касбии кормандони мақомоти прокуратура дар самти назорат ва иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила» ва таъмини ҳимояи ҳуқуқу манфиатҳои ҷабрдидаҳо, ки дар натиҷаи зӯроварӣ дар оила зарар дидаанд, мебошад.
Зимни машғулияти ин барномаи таълимӣ мафҳум ва моҳияти қонунгузории миллии мамлакат оид ба пешгирии зӯроварӣ дар оила, ҳуқуқҳои субъектони зӯроварӣ дар оила, қонунгузории байналмилалӣ ва муқаррароти меъёрию ҳуқуқӣ вобаста ба пешгирии зӯроварӣ дар оила, инчунин фаъолияти кормандони мақомоти прокуратура оид ба пешгирии ҷиноят ва ҳуқуқвайронкуниҳои марбут ба зӯроварӣ дар оила мавриди омӯзишу баррасӣ қарор дода шуданд.
Машғулият аз ҷониби кормандони дастгоҳи Прокуратураи генералӣ ва муаллимони калони Донишкада бо усулҳои назариявӣ, интерактивӣ, амалӣ ва кор дар гурӯҳҳо амалӣ гардид.
Даври дуюми машғулият нимаи аввали моҳи ноябри соли равон бо кормандони Сарпрокуратураи ҳарбӣ, прокуратураҳои ҳарбии гарнизони Душанбе, шаҳри Душанбе ва ноҳияҳои он, прокуратураи нақлиёти Тоҷикистон, шаҳру ноҳияҳои Роғун, Ваҳдат, Турсунзода Ҳисор, Рӯдакӣ ва Варзоб баргузор мешавад.
АКС: АМИТ «Ховар»
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
