Дар Донишгоҳи давлатии Хуҷанд Маркази ташхиси экологӣ ва озмоишгоҳи таълимӣ ифтитоҳ гардид

Ноябрь 5, 2023 15:28

ДУШАНБЕ, 05.11.2023 /АМИТ «Ховар»/. Дар факултети геоэкология ва туризми Донишгоҳи давлатии Хуҷанд Маркази ташхиси экологӣ бо озмоишгоҳи таълимӣ ифтитоҳ гардид, хабар доданд ба АМИТ «Ховар» дар ин донишгоҳ.

Марказ ҷиҳати омода намудани мутахассисони баландпояи илмӣ ва гузаронидани ташхисҳои озмоишгоҳӣ – экологӣ мусоидат намуда, дар он машғулияти амалӣ ва лабораторӣ аз фанҳои «Экспертизаи экологӣ», «Экологияи амалӣ», «Ботаника бо асосҳои экология», «Гидроэкология», «Физиологияи растаниҳо», «Фитопатология», «Экологияи хок», «Экологияи кишоварзӣ» ва ғайра гузаронида мешаванд.

Бо таҷҳизоти марказ ташхиси таркиби химиявӣ, физикӣ, микробиологӣ ва бактериалии намунаҳои оби ошомиданӣ, партовобҳои маишӣ, партовобҳои саноатӣ, ченкунии сатҳи садо, таркиби ҳавои атмосфера, сатҳи радиатсия ва ғайра гузаронида мешавад. Дар ин замина, дар марказ машғулияти амалӣ дар ҳаҷми 18 соат, лабораторӣ – 24 соат гузаронида шуда, ғайр аз он гурӯҳи муҳаққиқон (устодон, магистрантон ва донишҷӯён) беш аз 140 намунаи оби ошомиданӣ ва партовобҳоро бо таҷҳизоти муосир имкони ташхис намудан доранд.

Таҷҳизоти муосир бо дастгирии Намояндагии котиботи байналмилалии захираҳои об дар Ҷумҳурии Тоҷикистон дар ҳаҷми қариб 300 ҳазор сомонӣ тақдим гардида, номгӯи онҳо аз  мултиметр, спектрофотометр, автоклав, тарозу бо хушккунӣ, яхдони статсионарӣ, яхдон барои корҳои саҳроӣ, спектрофотометри бисёрвазифавӣ, дистилятор, маҷмуи таҷҳизот барои ташхиси бактериологӣ, маҷмуи зарфҳои химиявӣ ва биологӣ барои гузаронидани ташхис, маҷмуи реактивҳои химиявӣ иборат мебошад.

Дар маросими ифтитоҳи марказ директори Намояндагии котиботи байналмилалии захираҳои об дар Ҷумҳурии Тоҷикистон Оливе Норманд, намояндагони дастгоҳи Раиси вилояти Суғд, Сарраёсати ҳифзи муҳити зисти вилояти Суғд ва Маркази таҷрибавии хокшиносию мелиоративии Институти хокшиносӣ ва агрохимияи Тоҷикистон дар вилояти Суғд иштирок намуда, ин ташаббусро самараи татбиқи дастуру супоришҳо ва ҳадафҳои созандаи Ҳукумати Ҷумҳурии Тоҷикистон, бахусус Пешвои миллат муҳтарам Эмомалӣ Раҳмон маънидод намуданд.

АКС: Донишгоҳи давлатии Хуҷанд ба номи Бобоҷон Ғафуров

Ноябрь 5, 2023 15:28

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд