Дар Донишкадаи исломии Тоҷикистон вобаста ба тарбияи ватандӯстии ҷавонон ҳамоиш доир гардид

ДУШАНБЕ, 18.11.2023 /АМИТ «Ховар»/. Дар  Донишкадаи исломии Тоҷикистон ба номи Имоми Аъзам-Абуҳанифа  ҳамоиши  илмӣ-маърифатӣ  доир  гардид, хабар доданд ба АМИТ «Ховар» дар ин донишкада.

Дар  вохӯрӣ намояндагон аз Кумитаи  дин, танзими анъана ва ҷашну маросими  назди Ҳукумати Ҷумҳурии Тоҷикистон, Академияи идоракунии давлатии назди Президенти  Ҷумҳурии Тоҷикистон,  Прокуратураи шаҳри Душанбе, Суди  шаҳри Душанбе ва   Раёсати кор бо ҷавонон  ва  варзиши шаҳри  Душанбе  иштирок  намуданд.

Зимни ҳамоиш масъалаҳои таъмини   маданияти  шаҳрнишинӣ,  тарбияи  ватандӯстии ҷавонон, таҳкими  ҳувияти миллӣ, хизмати  Модар-Ватан – қарзи шаҳрвандӣ, пешгирии шомилшавӣ  ба ҳизбу ҳаракатҳои  номатлуб, эмин  будан  аз таҳдидҳои  ҷаҳони  муосир, баланд  бардоштани  маърифати  ҳуқуқӣ ва сиёсӣ баррасӣ гардиданд.

Дар  фарҷом як зумра омӯзгорон ва  ҷавонони  фаъол аз  ҷониби Раёсати кор бо ҷавонон ва  варзиши шаҳри Душанбе  бо  сипосномаҳо қадрдонӣ шуданд.

АКС: Донишкадаи исломии Тоҷикистон ба номи Имоми Аъзам-Абуҳанифа