Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид

ДУШАНБЕ, 30.11.2023. /АМИТ «Ховар»/. Дар шаҳри Душанбе бо мақсади амалӣ намудани «Барномаи рушди тандурустӣ дар Ҷумҳурии Тоҷикистон барои солҳои 2021–2025»   ҷаласа доир шуд. Ҷаласа бо мақсади омӯзишу мубодилаи таҷрибаи пешқадам ва баланд бардоштани ҳамкорӣ дар соҳаи тандурустӣ аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо Иттиҳоди Аврупо, Созмони ҷаҳонии тандурустӣ доир шуд, иттилоъ медиҳад АМИТ «Ховар» бо истинод ба Вазорати тандурустӣ.

Ҷаласа бо мақсади беҳтар намудани ҳамоҳангсозӣ дар самти такмилу таҳкими солимӣ ва беҳбудӣ доир гардида, ба мубодилаи асосноки таҷрибаи амалӣ, мушкилӣ ва ақидаҳо ба такмилу таҳкими сатҳи ҳамоҳангсозӣ ва вазъи умумии солимӣ дар Ҷумҳурии Тоҷикистон мусоидат намуд.

Ҳамкории бисёрҷониба байни шарикони рушд ва вазорат қадами назарраси ҷонибдории тарафайни мо дар самти муайян намудани афзалиятнокӣ ва такмили солимӣ ва беҳбудии аҳолӣ аст. Тавассути фаъолияти якҷоя мо метавонем таҷрибаи касбии худро муттаҳид намуда, ба таври самаранок низоми тандурустиро мустаҳкам намоем.

Саъю кӯшишҳои муштарак ҷонибдории умумиро дар самти дастрас шудани Ҳадафҳои рушди устувор, ки бо афзалияти миллӣ оид ба ҳифзи солимӣ, ки аз ҷониби Ҳукумати Ҷумҳурии Тоҷикистон муқаррар шуда, мувофиқ мебошанд, таъкид менамояд. Ҷаласа бо ифодаи ҷонибдорӣ ва тасмим дар самти тақвияти ҳамоҳангсозӣ ва робитаю муошират ба итмом расид.

Иттиҳоди Аврупо ва Ҳукумати Ҷумҳурии Тоҷикистон назари ягонаро нисбат ба фарогирии умумии хизматрасонии тандурустӣ барои ҳамагон ҷонибдорӣ намуда, дар самти такмилу таҳкими низоми тандурустии Ҷумҳурии Тоҷикистон саъю кӯшиш ба харҷ медиҳанд.

Ҷаласа маҳз бо мақсади омӯзиши муштарак, мубодилаи таҷрибаи пешрафта ва баланд бардоштани ҳамкорӣ доир гардид.

АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон