Дар Хоруғ ба шарафи Рӯзи Президенти Ҷумҳурии Тоҷикистон ҳамоиши оммавии фарҳангию фароғатӣ баргузор шуд
ДУШАНБЕ, 16.11.2023 /АМИТ «Ховар»/. Бо ибтикори Мақомоти иҷроияи ҳокимияти давлатии шаҳри Хоруғ 15 ноябр ба ифтихори Рӯзи Президенти Ҷумҳурии Тоҷикистон ва Иҷлосияи ХVI Шурои Олӣ дар як фазои идона ҳамоиши оммавии фарҳангию фароғатӣ доир гардид. Дар ин хусус АМИТ «Ховар» бо истинод ба Мақомоти иҷроияи ҳокимитяи давлатӣ хабар медиҳад.
Дар ҳамоиш роҳбарияти шаҳри Хоруғ, намояндагони мақомоти ҳифзи ҳуқуқ иштирок намуда, бо намоиши асарҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастовардҳои варзишию илмии муассисаҳои таҳсилоти миёнаи умумии шаҳри Хоруғ, расму мусаввараҳое, ки ба маърази тамошо гузошта шуда буданд, шинос шуданд.
Дар ҳамоиш оид ба Иҷлосияи ХVI Шурои Олии Ҷумҳурии Тоҷикистон ва сиёсати хирадмандонаву оқилонаи Президенти Ҷумҳурии Тоҷикистон муҳтарам Эмомалӣ Раҳмон дар рушди тамоми соҳаҳо ибрози назар гардид.
Гуфта шуд, ки Президенти Ҷумҳурии Тоҷикистон муҳтарам Эмомалӣ Раҳмон баробари ба сари ҳокимият омадан корро аз таъмини сулҳ ва барқарорсозии давлат оғоз намуданд. Маҳз ҷоннисорӣ, заҳмату талош ва такопӯҳои Президенти Ҷумҳурии Тоҷикистон буд, ки мамлакат аз вартаи нобудӣ халос ёфт.
«Эътибору нуфузи кунунии Тоҷикистон аз хидматҳои арзандаи Президенти Ҷумҳурии Тоҷикистон муҳтарам Эмомалӣ Раҳмон маншаъ гирифтааст ва имрӯз моро ҷомеаи ҷаҳонӣ ҳамчун халқи соҳибтамаддун ва давлати озоду демократӣ эътироф менамояд», — таъкид гардид дар ҷамъомад.
Бояд гуфт, ки бо назардошти саҳми арзандаи Президенти Ҷумҳурии Тоҷикистон муҳтарам Эмомалӣ Раҳмон дар ташаккули давлатдории навини мамлакат, эҳёи давлати миллӣ, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ шуруъ аз соли 2016 16 ноябр Рӯзи Президенти Ҷумҳурии Тоҷикистон таҷлил мегардад.
Ҳамзамон барои иштирокчиён барномаи фарҳангӣ манзур гардид.
АКС: Мақомоти иҷроияи ҳокимияти давлатии шаҳри Хоруғ
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
