Дар Муъминобод коргоҳи истеҳсоли маҳсулоти ширӣ ба фаъолият оғоз намуд
ДУШАНБЕ, 05.11.2023. /АМИТ «Ховар»/. Кормандони коргоҳи маҳсулоти ширии Ҷамъияти дорои масъулияти маҳдуди «Заркорон» минбаъд ҷурғоту қаймоқ, сметану творог, равғани маска ва чаккаву дӯғи аз лиҳози экологӣ тозаро тавассути дастгоҳҳои пешрафтаи соҳавӣ истеҳсол намуда, бо сифати баланд пешниҳоди сокинон ва меҳмонони ноҳияи Муъминобод мегардонанд, хабар медиҳад АМИТ «Ховар».
Ёдовар мешавем, ки 21 октябри соли равон дар деҳаи Шаҳринави поёни деҳоти Деҳибаланди ноҳияи Муъминобод коргоҳи маҳсулоти ширии Ҷамъияти дорои масъулияти маҳдуди «Заркорон» мавриди истифода қарор дода шуд, ки дар он 10 нафар бо шуғл таъмин гардиданд.
Хати технологии Корхонаи маҳсулоти ширии ҶДММ «Заркорон» аз Ҷумҳурии Мардумии Чин ворид шудааст. Иқтидори истеҳсолии корхона коркарди 44 тонна шир дар як моҳ буда, арзиши лоиҳавии он 2,9 миллион сомонӣ мебошад. Дар корхона 10 намуд маҳсулоти ширӣ истеҳсол карда мешавад.
Бо ба фаъолият оғоз намудани Фермаи ширии ҷамъияти «Заркорон» ҳаҷми воридоти шир ба корхона бештар ва номгӯи маҳсулоти истеҳсолӣ низ афзоиш дода мешавад.
АКС аз манбаъҳои боз
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Дар Хоруғ корхонаи истеҳсоли макарон бунёд карда мешавад
Дар Тоҷикистон лоиҳаи «Стратегияи миллии ҳифзи гуногунии биологӣ» таҳия карда мешавад
Байни Тоҷикистон ва Беларус оид ба ҳамкории тиҷоратию иқтисодӣ даҳ санади ҳамкорӣ ба имзо расид
Татбиқи тарҳи «Тақвияти бахши молиявӣ дар Тоҷикистон» баррасӣ гардид
Байни ширкатҳои сайёҳии Тоҷикистон ва Қазони Федератсияи Русия шартномаи ҳамкорӣ ба имзо расид
