ФЕСТИВАЛИ ДӮСТИИ ХАЛҚҲО. Намояндагони Тоҷикистон дар ҷамъбасти он иштирок намуданд
ДУШАНБЕ, 17.11.2023. /АМИТ «Ховар»/. Дар Донишгоҳи федералии Урал ба номи Президенти якуми Русия Борис Елтсин Фестивали дӯстии халқҳо ба анҷом расид, ки дар маросими ҷамъбасти он намояндагони Ҷумҳурии Тоҷикистон иштирок намуданд. Дар ин хусус ба АМИТ «Ховар» дар Консулгарии генералии Ҷумҳурии Тоҷикистон дар шаҳри Екатеринбурги Федератсияи Русия хабар доданд.
Дар он намояндаи Вазорати меҳнат, муҳоҷират ва шуғли аҳолии Ҷумҳурии Тоҷикистон дар минтақаи Урал Беҳрӯз Холиқов дар якҷоягӣ бо ҳамраиси Шурои ҳавзавии ҷамъиятии назди Консулгарии генералии Ҷумҳурии Тоҷикистон дар шаҳри Екатеринбург Ёқубҷон Умаров иштирок намуданд.
Дар марҳилаи ҷамъбасти фестивал, ки аз ҷониби Созмони донишҷӯёни Донишгоҳи федералии Урал доир шуд, намоишгоҳи таомҳои миллӣ, аз ҷумла таомҳои тоҷикӣ ва барномаи консертӣ бо иштироки намояндагони ҳар ҷомеаи донишҷӯён, аз ҷумла донишҷӯёни тоҷикистонӣ баргузор гардид.
Дар саҳна дастаи ҳунарии донишҷӯёни тоҷик низ дар сатҳи баланди бадеӣ ҳунарнамоӣ намуд.
Дар ҷараёни фестивал ҷомеаҳои донишҷӯён ҳамдигарро бо фарҳангу анъанаҳои мардум ва давлати хеш шинос намуданд.
АКС: Консулгарии генералии Ҷумҳурии Тоҷикистон дар шаҳри Екатеринбурги Федератсияи Русия
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
