ФУТБОЛ. Бозии якуми дастаҳои мунтахаби наврасони Тоҷикистон ва Русия мусовӣ анҷом ёфт

ДУШАНБЕ, 18.11.2023 /АМИТ «Ховар»/. Дастаи наврасони Тоҷикистон (U-17) оид ба футбол дар нахустин бозии дӯстона бо дастаи мунтахаби наврасони Русия, ки дар Душанбе баргузор шуд, ҳисобро мусовӣ намуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Бозӣ бо ҳисоби – 2:2 анҷом ёфт.

20 ноябр дастаи мунтахаби наврасони то 17-солаи Тоҷикистон ва Русия дар Душанбе бозии дуюми санҷишӣ анҷом медиҳанд. Оғози бозӣ соати 11:00 ба нақша гирифта шудааст.

18 ва 21 ноябр дар Варзишгоҳи марказии Душанбе байни дастаҳои мунтахаби наврасони то 15-солаи Тоҷикистон ва Русия бозиҳои дӯстона баргузор мешаванд.

АКС: Федератсияи футболи Тоҷикистон