Маркази ҷумҳуриявии илмии саратоншиносӣ соҳиби таҷҳизоти ташхисӣ ва табобатӣ гардид
ДУШАНБЕ, 16.11.2023. /АМИТ «Ховар»/. 15 ноябр дар доираи татбиқи лоиҳаи миллии Агентии байналмилалии неруи атомӣ, тақвияти марказҳои саратоншиносӣ ва рушди хизматрасонии ташхисии марказҳои саратоншиносӣ аз ҷониби Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ба Маркази ҷумҳуриявии илмии саратоншиносии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҷҳизоти ташхисӣ (ултрасадо) ва табобатӣ (рентгентерапия) тақдим гардид. Дар ин хусус ба АМИТ «Ховар» дар шуъбаи муносибатҳои байналмилалӣ ва робита бо ҷомеаи Агентӣ хабар доданд.
Зимни баргузории ҷамъомад ёрдамчиёни ҳамоҳангсози миллӣ доир ба ҳамкории самарабахши ин ду ниҳод изҳори назар намуда, ҷиҳати сари вақт ташхис ва пешгирӣ намудани бемориҳои саратоншиносӣ дар ҷумҳурӣ аз номи Агентии байналмилалии неруи атомӣ (АБНА) ин таҷҳизоти муосирро ба сардухтури Маркази ҷумҳуриявии илмии саратоншиносӣ Зафар Ҳусейнзода супориданд.
Дар доираи ин лоиҳаҳо се нафар корманди Маркази ҷумҳуриявии илмии саратоншиносӣ дар давлатҳои хориҷӣ, аз ҷумла Федератсияи Русия, Озарбойҷон ва Арманистон дар самтҳои ташхиси нурӣ, томографияи резонанси магнитӣ (МРТ) ва табобати нурӣ омӯзиш гирифтанд.
Мақсад аз татбиқи лоиҳаи миллии Агентии байналмилалии неруи атомӣ тақвияти кори марказҳои саратоншиносӣ ва рушди хизматрасонии ташхисии марказҳои саратоншиносӣ ҷиҳати сари вақт муайян ва пешгирӣ намудани бемориҳои гуногуни саратоншиносӣ дар ҷумҳурӣ ва ноҳияҳои тобеи марказ мебошад.
Дар солҳои оянда дар доираи ин лоиҳа хариди дигар таҷҳизоти ташхисию табобатӣ ва омӯзондани кормандони касбии Маркази ҷумҳуриявии илмии саратоншиносӣ аз ҷониби Агентии байналмилалии неруи атомӣ (АБНА) ба нақша гирифта шудааст.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
