Дар шаҳри Норак бо иштироки маъюбон ҳамоиш баргузор шуд
НОРАК, 10.12.2023. /АМИТ «Ховар»/. Ҷиҳати дастгирӣ намудани шахсони дорои имконияти маҳдуд дар тарабхонаи «Сайёд»-и шаҳри Норак бо густурдани дастурхони идона барои 60 нафар маъюб ва аъзои оилаи онҳо ҷамъомади бошукуҳ доир гардид, ки он ба амалӣ намудани сиёсати инсондӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон равона шудааст. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Норак иттилоъ доданд.
Дар ҷамъомад иброз гардид, ки бо мақсади дастгирии давлатии ятимону маъюбон, шахсони бепарастор ва оилаҳои камбизоат, собиқадорони меҳнат ва беҳтар гардонидани дастрасии онҳо ба хизматрасонии гуногуни давлатӣ Ҳукумати Ҷумҳурии Тоҷикистон доир ба масъалаи муқаррар намудани дастгирии иловагии давлатӣ тавассути кумакҳои суроғавии иҷтимоӣ чораҳои муассирро амалӣ менамояд. Дар замони соҳибистиқлолии мамлакат таваҷҷуҳ ба маъюбон ва оилаҳои ниёзманд ба яке аз самтҳои муҳими сиёсати Ҳукумати Ҷумҳурии Тоҷикистон табдил ёфта, ҷиҳати дастгирии давлатӣ ва мусоидат ба ҳалли мушкилоти онҳо аҳамияти махсус зоҳир мегардад.
Дар байни маъюбон кормандони соҳаҳои гуногуни меҳнатӣ, шуруъ аз меҳнаткашон то арбобони барҷастаи сиёсӣ, илму фарҳанг, қаҳрамонони ҷангу меҳнатро дидан мумкин аст, ки онҳо низ дар доираи имконияти худ дар ҳаёти ҷамъиятӣ иштирок намуда, дар ташкилоту корхонаҳо фаъолияти пурмаҳсул менамоянд ва ба дастовардҳои назаррас ноил мегарданд.
Дар шаҳри Норак низ баҳри ғамхории ҳамешагӣ ба маъюбон пайваста ғамхорӣ зоҳир гардида, кормандони ниҳодҳои дахлдор мунтазам аз ҳоли онҳо бохабар мебошанд.
Дар анҷоми ҳамоиш барномаи рангини фарҳангӣ манзури иштирокчиён гардонида шуд.
АКС: Мақомоти иҷроияи ҳокимияти давлатии шаҳри Норак
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
