«ДАРГОҲИ ҲУНАР ВА МАЪРИФАТ» ВА ТЕАТРҲОИ ХАЛҚӢ «ҶОНБАХШИ САТРҲО». Дар Душанбе озмунҳои ҷумҳуриявии муассисаҳои фарҳангӣ ҷамъбаст шуданд
ДУШАНБЕ, 16.12.2023 /АМИТ «Ховар»/. Дар Китобхонаи давлатии бачагонаи ҷумҳуриявии ба номи Мирсаид Миршакар бо иштироки роҳбарияти Вазорати фарҳанги Ҷумҳурии Тоҷикистон ҷамъбасти озмунҳои ҷумҳуриявии муассисаҳои фарҳангӣ таҳти унвонҳои «Даргоҳи ҳунар ва маърифат» ва театрҳои халқӣ «Ҷонбахши сатрҳо» баргузор гардид. Дар ин хусус АМИТ «Ховар» бо истинод ба Вазорати фарҳанг хабар медиҳад.
Дар бахши «Беҳтарин қасри фарҳанг»: ҷойи якум ба ноҳияи Ҷаббор Расулов, ҷойи дуюм ба ноҳияи Шуғнон ва ноҳияи Шамсиддин Шоҳин дода шуда, ҷойи сеюмро ноҳияи Сангвор, ноҳияи Ҷайҳун ва Бобоҷон Ғафуров сазовор гардиданд.
Ҳамзамон барои иштироки фаъолона дар озмун ба ноҳияҳои Зафаробод, Ванҷ, Айнӣ, Хуросон, Ҳисор, шаҳри Кӯлоб туҳфа тақдим гардид.
Дар бахши «Беҳтарин намоиши театри халқӣ» бошад ҷои якум ба ноҳияи Файзобод, ҷойи дуюм ноҳияҳои Ёвон, Ишкошим ва ҷои сеюмро шаҳрҳои Ваҳдат, Панҷакент ва ноҳияи Муъминобод гирифта, барои иштироки фаъолона ноҳияи Рӯшон, шаҳри Бохтар, ноҳияи
Деваштич ва шаҳри Турсунзода ғолиб дониста шуданд.
Дар бахши «Беҳтарин филармонияи мардумӣ»: ҷои якум ба шаҳри Конибодом, ҷойи дуюм ноҳияи Файзобод ва шаҳри Ҳисор, ҷойи сеюм Мир Сайид Алии Ҳамадонӣ, ноҳияи Восеъ ва ноҳияи Мастчоҳ гирифта, барои иштироки фаъолона ноҳияи Кушониён ва Рӯдакӣ ғолиби озмун гардиданд.
Дар чорабинӣ иброз гардид, ки густариши фарҳанг ҳамчун омили муҳимтарини ташаккулдиҳандаи ахлоқию маънавӣ яке аз ҳадафҳои асосии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маҳсуб шуда, Ҳукумати Ҷумҳурии Тоҷикистон ба рушди фарҳанг, бунёд ва таъмиру таҷдиди муассисаҳои фарҳангӣ таваҷҷуҳи хосса зоҳир менамояд.
Гуфта шуд, ки баргузории озмунҳои ҷумҳуриявии муассисаҳои фарҳангӣ таҳти унвонҳои «Даргоҳи ҳунар ва маърифат» ва театрҳои халқӣ «Ҷонбахши сатрҳо» бо фарогирии қасрҳои фарҳанг, театрҳои халқӣ ва филармонияҳои мардумӣ низ аз иқдомҳое мебошанд, ки дар рушду инкишофи бахшҳои фарҳангии кишвар нақши муҳиму созанда доранд.
Дар охири чорабинӣ ғолибон бо дипломҳои дараҷаи I, II, III ва туҳфаҳои хотиравии Вазорати фарҳанги Ҷумҳурии Тоҷикистон сарфароз гардиданд.
АКС: Вазорати фарҳанги Ҷумҳурии Тоҷикистон
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
