Директори Маркази тадқиқоти стратегии Тоҷикистон ва Сафири Эрон масоили ҳамкориро баррасӣ намуданд
ДУШАНБЕ, 31.01.2024 /АМИТ «Ховар»/. Зимни мулоқоти Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода ва Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Алиризо Ҳақиқиён рушди минбаъдаи робитаҳои ду давлат ҷавобгӯй ба манфиатҳои ҳарду ҷониб ҳисобида шуд. Дар ин хусус ба АМИТ «Ховар» дар Маркази тадқиқоти стратегӣ иттилоъ доданд.
Директори Маркази тадқиқоти стратегӣ дар мулоқот робитаҳои дӯстонаи Ҷумҳурии Тоҷикистон ва Ҷумҳурии Исломии Эронро мусбат ва нақши роҳбарони олии ду давлати дӯстро дар пешбурд ва тақвияти ҳамкории мутақобилан судманд муҳим арзёбӣ намуд. Хусусан инкишофи робитаҳои тиҷоратӣ, иқтисодӣ, аз ҷумла иқтисоди “сабз”, фарҳангӣ ва сайёҳӣ барои ҳарду давлати ҳамзабону ҳамфарҳанг муҳим шуморида шуда, гуфта шуд, ки мавриди истифода қарор додани зарфият ва имконияти воқеии ҳарду мамлакат ба манфиати ҷумҳуриҳои ҳамҷавор мебошад.
Дар мулоқот доир ба самтҳои асосии фаъолияти Маркази тадқиқоти стратегии назди Президенти Ҷумҳурии Тоҷикистон маълумот дода шуд. Зимнан, иброз гардид, ки пешбурди робитаҳои илмию таҳқиқотӣ бо марказҳои зеҳнии дигар давлатҳо яке аз авлавияти асосӣ дар фаъолияти ин ниҳоди муҳимми давлатии Тоҷикистон ба ҳисоб меравад.
Маркази тадқиқоти стратегӣ бо якчанд ниҳоди таҳлилии Эрон Ёддошти тафоҳуми ҳамкорӣ ба имзо расонидааст, ки аз густариши равобити илмӣ-таҳлилии ҳарду давлат шаҳодат медиҳад.
Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Алиризо Ҳақиқиён барои пазироӣ ва андешаҳои самимона оид ба дӯстии ду давлат изҳори сипос намуда, ба рушди робитаҳои шарикии дӯстона ва ҳамкории Эрон ва Тоҷикистон баҳои баланд дод ва таҳкими онро ҳадафи асосии фаъолияти дипломатӣ дар Ҷумҳурии Тоҷикистон номид.
Алиризо Ҳақиқиён аз муштаракоти забонӣ, фарҳангӣ, нажодӣ ва таърихии мардумони Эрон ва Тоҷикистон ва аз суханҳои Президенти Ҷумҳурии Исломии Эрон Иброҳим Раисӣ зимни сафараш ба Тоҷикистон ёдовар шуда, иброз дошт, ки пешрафти Тоҷикистон- ин пешрафти Эрон мебошад.
Илова ба ин Сафир гуфт, ки Президенти Ҷумҳурии Исломии Эрон Иброҳим Раисӣ пас аз расидан ба ин мақоми олӣ сафари якуми хориҷиашро ба Тоҷикистон анҷом дод, ки далели рушди робитаҳои қавии дӯстонаи Тоҷикистон ва Эрон мебошад.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
РӮЗИ КОРМАНДОНИ СОҲАИ МЕҲНАТ ВА ҲИФЗИ ИҶТИМОӢ. Соли 2025 дар Тоҷикистон беш аз 200 ҳазор ҷойи нави кор таъсис дода шуд
МАРКАЗИ РУШДИ ҲУНАРМАНДӢ ВА МАЛАКАҲОИ КАСБИИ МУОСИР. Кадом касбу ҳунарро дар ин ҷо метавон омӯхт?
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
