Соли 2023 дар ноҳияи Фирдавсӣ 3937 нафар ба сафи ҲХДТ пайваст
ДУШАНБЕ, 13.01.2024. /АМИТ «Ховар»/. Кумитаи иҷроияи Ҳизби Халқии Демократии Тоҷикистон дар ноҳияи Фирдавсии шаҳри Душанбе то 1 январи соли 2024 дар 214 ташкилоти ҳизбӣ 17 ҳазору 604 нафар аъзои ҳизбро муттаҳид намудааст. Соли 2023 дар ҳудуди ноҳия 12 ташкилоти ибтидоии ҳизбӣ таъсис дода шуд. Ин нуктаро раиси Кумитаи иҷроияи Ҳизби Халқии Демократии Тоҷикистон дар ноҳияи Фирдавсии шаҳри Душанбе Абдураҳим Шоҳиён зимни ҷаласаи ҷамъбастии натиҷаҳои фаъолияти Кумитаи иҷроияи Ҳизби Халқии Демократии Тоҷикистон иброз намуд.
Тавре АМИТ «Ховар» бо истинод ба мудири шуъбаи таблиғот ва иттилооти Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ Муслим Усмонзод хабар медиҳад, дар ҷаласа фаъолияти Кумитаи иҷроияи ноҳиявии ҳизб дар соли 2023 натиҷагирӣ гардида, барои соли 2024 вазифаҳо гузошта шуданд.
Таъкид гардид, ки таъсиси ташкилоти ҳизбӣ дар меҳвари фаъолияти ҳзиб қарор дошта, ҷиҳати боз ҳам мустаҳкам намудани мавқеъ ва нуфузи ҳизб дар ҷомеа мусоидат менамояд.
Гуфта шуд, ки соли 2023 Кумитаи иҷроияи ноҳиявии ҳизб Комиссияи кор бо занон ва оила ва Шурои намояндагии ТҶҶ «Созандагони Ватан»-ро таъсис дод, ки дар баланд бардоштани фарҳанги оиладорӣ ва пешгирии пошхӯрии оилаҳои ҷавон, инчунин татбиқи сиёсати давлатии ҷавонон саҳм хоҳанд гузошт.
Ҳамзамон дар ҷаласа фаъолияти Комиссияи кор бо занон ва оила ва Комиссияи таҳлилӣ ва кор бо воситаҳои ахбори оммаи назди Кумитаи иҷроияи ноҳиявӣ дар соли 2023 шунида шуд.
Иброз гардид, ки дар ҷаҳони мутамаддин идеология ба силоҳи асосии мубориза дар ҳама ҷанба табдил ёфта, дар сурати оқилона ва фаврӣ истифода шудан ғолибияти ин ё он давлат ва натиҷаҳои хуб додани дилхоҳ иқдомро таъмин менамояд.
Дар идомаи ҷаласа тазаккур дода шуд, ки вазъи тағйирёбандаи ҷаҳони имрӯза ва хусусияти устувор пайдо намудани зуҳуроти хатарноки замони муосир, аз ҷумла терроризму экстремизм, қочоқи силоҳ, гардиши ғайриқонунии маводи мухаддир, киберҷиноятҳо ва дигар ҷиноятҳои фаромиллӣ, ки башариятро ба ташвиш овардаанд, моро водор месозанд, ки ба масъалаҳои таъмини амнияти давлатамон диққати аввалиндараҷа диҳем.
Дар фарҷом ба як гурӯҳ фаъолони ҳизб сипоснома ва ифтихорномаҳои Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ супорида шуда, дар вазъияти тантанавӣ ба ҷавононе, ки нав ба узвияти ҳизб қабул гардиданд, шаҳодатномаҳо тақдим шуданд.
АКС: Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ
Тоҷикистон ва Эрон барои табодули таҷрибаи табибон Созишномаи ҳамкорӣ ба имзо расониданд
МАСЛИҲАТИ МУТАХАССИС. Дилаи тарбуз, дона ва ҳатто пӯчоқи он хосияти табобатӣ дорад
Дар Коллеҷи муҳандисию омӯзгории шаҳри Душанбе озмоишгоҳҳои таълимӣ таъсис дода шуданд
Дар Москва дар мавзуи «Саҳми Ибни Сино дар ташаккули соҳаи тиб: осори илмӣ, таҷриба ва назария» ҳамоиш баргузор гардид
Ёддошти тафоҳум оид ба ҳамкорӣ байни Хадамоти иҷрои Тоҷикистон ва Вазорати адлияи Қазоқистон ба имзо расид
Ёддошти ҳамкорӣ байни Иттифоқи ҷавонони Тоҷикистон ва Маҷмааи ҷавонони Қазоқистон ба имзо расид
Ба кормандони Кумита оид ба таҳсилоти ибтидоӣ ва миёнаи касбӣ роҳҳои муқовимат ба коррупсия фаҳмонида шуд
Гурӯҳи кории Вазорати тандурустӣ ва ҳифзи иҷтимоии аҳолии Тоҷикистон бо вазъи беморхонаҳои минтақаи Рашт шинос шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон огоҳ менамояд
Пешвои миллат Эмомалӣ Раҳмон Мудири кулли Хазинаи кувайтии рушди иқтисодии араб Валид Ал-Баҳарро ба ҳузур пазируфтанд
Дар шаҳри Кӯлоб ҳамоиши гирандагони Стипендияи президентӣ баргузор шуд
Дар шаҳри Душанбе вазъи пардохти кумакпулиҳои яквақтаина ба оилаҳои камбизоат баррасӣ гардид
