«ТАЛКО АРЕНА». Дар шаҳри Турсунзода корҳои таъмиру тармими ин варзишгоҳ идома доранд

Январь 10, 2024 18:05

ДУШАНБЕ, 10.01.2024. /АМИТ «Ховар»/. Бо мақсади иҷрои дастуру супоришҳои Президенти Федератсияи футболи Тоҷикистон муҳтарам Рустами Эмомалӣ сарпарасти кулли бошгоҳи футболи «Регар-ТадАЗ» — ҶСК «Ширкати Алюминийи Тоҷик» (ТАЛКО) тасмим гирифтааст, ки варзишгоҳи «ТАЛКО Арена»-ро пурра таъмир намояд. Дар ин хусус шореҳи варзиши АМИТ «Ховар» бо истинод ба клуби футболи «Регар-ТадАЗ»-и шаҳри Турсунзода хабар медиҳад.

Дар айни замон корҳои сохтмонии варзишгоҳи мазкур вусъат гирифта, тибқи нақша то оғози мавсими нави футбол утоқи либосивазкунии ҳайати асосӣ ва меҳмонон, ҳуҷраҳои корӣ, роҳравҳои дохил ва берун, нишастгоҳи асосӣ, утоқи либосивазкунии ҳайатҳои ҷавонон ва дигар қисмҳои варзишгоҳ мутобиқ ба шароити замон то моҳи апрели соли равон пурра таъмиру тармим мегарданд.

Қобили ёдоварӣ аст, ки бозӣ барои Суперҷоми Тоҷикистон-2024 байни чемпиони Тоҷикистон- дастаи футболи «Истиқлол»-и шаҳри Душанбе ва барандаи медали нуқраи Лигаи олӣ дастаи «Равшан»-и шаҳри Кӯлоб 11 майи соли равон дар варзишгоҳи «ТАЛКО Арена»-и шаҳри Турсунзода баргузор мешавад.

Майдони асосии даста бо рехтани рег ҳамвор шуд ва дар ҷойҳое, ки нашъунамои майса суст буд, сабзаи нав кишт ва бо риояи агротехникаи парвариши он сари вақт неруҳои минералӣ ва об дода мешавад. Роҳбарияти даста тасмим гирифтааст, ки баъд аз чанд муддат бекор мондани майдони эҳтиётии даста, ки қаблан макони асосии тамрин буд, онро барқарор намоянд. Аллакай майдон тахту ҳамвор шуда, дар он сабза (майса)-и нав кишт гардид.

Ҳамзамон бо ин ҳоло бо ширкатҳои хориҷӣ ҷиҳати насби нурафканҳои мутобиқ ба меъёрҳои байналмилалӣ ва аз нав муҷаҳҳаз намудани таблои варзишгоҳ гуфтушунид идома дорад. Роҳбарияти даста ният дорад, ки инфрасохтори варзишгоҳи «ТАЛКО Арена»-ро ба яке аз муосиртарин муассисаҳои варзишӣ дар Тоҷикистон табдил диҳад.

Қатъи назар аз он ки имсол дастаи футболи «Регар-ТадАЗ»-и шаҳри Турсунзода ҳадафҳои дар назди даста гузоштаро дар Лигаи олӣ иҷро карда натавонист, вале роҳбарияти бошгоҳ тасмим гирифтаанд, ки даста дар зудтарин фурсат ба Лигаи олӣ баргашта, баҳри барқарор намудани ҷойгоҳи аслиаш дар футболи тоҷик талош варзад. Аз ин рӯ аксари бозингарони ҳайати асосӣ дар дастаи футболи «Регар-ТадАЗ»-и шаҳри Турсунзода нигоҳ дошта мешаванд.

АКС: Федератсияи футболи Тоҷикистон

Январь 10, 2024 18:05

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад