Дар Донишгоҳи байналмилалии забонҳои хориҷии Тоҷикистон 11 шаҳрванди хориҷӣ забони тоҷикӣ меомӯзад
ДУШАНБЕ, 09.02.2024 /АМИТ «Ховар»/. Соли 2023 дар Донишгоҳи байналмилалии забонҳои хориҷии Тоҷикистон ба номи Сотим Улуғзода 8 омӯзгори хориҷӣ фаъолият намуда, 13 шаҳрванди хориҷӣ ба ҳайси шунавандаи забономӯз дар назди кафедраҳо ба таҳсил фаро гирифта шуд, ки аз онҳо 11 нафар забони тоҷикӣ меомӯзад. Дар ин хусус Ректори Донишгоҳи байналмилалии забонҳои хориҷии Тоҷикистон Жило Гулназарзода 8 феврал зимни нишасти матбуотӣ иттилоъ дод.
Гуфта шуд, ки дар донишгоҳ 395 шаҳрванди хориҷӣ аз Узбекистон, Туркманистон, Қирғизистон, Афғонистон ва Арабистони Саудӣ ба таҳсил фаро гирифта шудаанд.
Ҳамзамон иттилоъ дода шуд, ки дар ин давра 48 донишҷӯи донишгоҳ барои идомаи таҳсил ба хориҷи мамлакат ҷалб гардида, 23 омӯзгор ва корманди донишгоҳ дар хориҷи ҷумҳурӣ аз такмили ихтисос ва бозомӯзӣ бомуваффақият гузаштанд.
Давоми соли 2023 донишҷӯёни донишгоҳ дар озмунҳои байналмилалии «Маҳорати нутқ»-и забони ҷопонӣ (3 нафар), «Натоқони забони куриëӣ» (3 нафар), «Пули забони чинӣ» (1 нафар) ва «Забони ҳиндӣ» (7 нафар) ҷойҳои ифтихориро сазовор гаштанд.
Дар ин давра раёсати донишгоҳ дар форуми ректорони муассисаҳои таҳсилоти олии касбии Осиёи Марказӣ ва Форуми ректорони муассисаҳои таҳсилоти олии касбии Тоҷикистон ва Беларус иштирок намуд.
«Дастоварди дигари муассиса он аст, ки дар ин давра 9 барномаи таҳсилотӣ дар зинаи бакалавриат аз аккредитатсияи байналмилалӣ гузашт»,-илова намуд Ректори Донишгоҳи байналмилалии забонҳои хориҷии Тоҷикистон Жило Гулназарзода.
София ШОИК,
АМИТ «Ховар»
АКС: АМИТ «Ховар»
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
