Дар коргоҳи дӯзандагии «Кимхо»-и ноҳияи Ишкошим дар оянда либоси мактабӣ дӯхта мешавад
ДУШАНБЕ, 17.02.2024 /АМИТ «Ховар»/. Роҳбарияти ноҳияи Ишкошими Вилояти Мухтори Кӯҳистони Бадахшон дар деҳаи Вранг бо фаъолияти коргоҳи дӯзандагии Ҷамъияти дорои масъулияти маҳдуди «Кимхо» шинос гардиданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ишкошим хабар медиҳад.
Ба роҳбарият иттилоъ дода шуд, ки дар коргоҳ дӯхти куртаҳои миллӣ, инчунин болишту кӯрпа, тоқии ишкошимӣ, ҷӯроббофӣ ва муҳракашӣ амалӣ мешавад. Роҳбарият масъулини коргоҳро ҷиҳати дӯхтани либоси мактабӣ вазифадор намуда, ҳамзамон таъкид доштанд, ки ба эҳёи ҳунарҳои қадимии хонаводагӣ таваҷҷуҳи зарурӣ зоҳир намоянд.
Ёдовар мешавем, ки дар доираи таҷлили 32-солагии Истиқлолияти давлатии Ҷумҳурии Тоҷикистон дар деҳаи Вранги Ҷамоати деҳоти Вранги ноҳияи Ишкошим ду коргоҳи истеҳсолӣ ифтитоҳ гардид.
Коргоҳи хурди дӯзандагии ҶДММ «Кимхо» бо иқдоми ҳунарманд Кимхо Кабирова бунёд ёфта, бо дастгоҳу таҷҳизоти зарурӣ таъмин гардидааст.
Ҳамчунин аз ҷониби шаҳрванд Наслохон Наслохонов корхонаи истеҳсоли хишти ҶДММ «Лаби дарё» ифтитоҳ гардид, ки ба истеҳсоли хишт ва сафолакҳо равона шудааст.
Чунин иқдоми бунёдкорона омили асосии таъсиси ҷойҳои нави корӣ мебошад.
Бояд гуфт, ки бо шарофати даврони соҳибистиқлолӣ ва Ваҳдати миллӣ ноҳияи Ишкошими Вилояти Мухтори Кӯҳистони Бадахшон низ дар баробари дигар шаҳру ноҳияҳои ҷумҳурӣ рушд намуда, сокинони он ба дастовардҳои назаррас ноил гардиданд.
София ШОИК,
АМИТ «Ховар»
АКС: Мақомоти иҷроияи ҳокимияти давлатии ноҳияи Ишкошим
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Дар шаҳри Панҷакент коргоҳи дӯзандагии «Маҳсул» ба фаъолият оғоз намуд
СОЛҲОИ РУШДИ САНОАТ. Дар Муъминобод корхонаи истеҳсоли сангу шағал фаъолият менамояд
Бо татбиқи лоиҳаи «Таъсиси кластери нассоҷии гурӯҳи ширкатҳо дар Ҷумҳурии Тоҷикистон» беш аз 5500 нафар бо кор таъмин мегарданд
Тақвияти ҳамкории Тоҷикистон ва Эрон дар соҳаи саноат баррасӣ карда шуд
Ҳамкории Тоҷикистон ва Чин дар самти саноатикунонии босуръат густариш меёбад
Таҳкими дурнамои ҳамкории саноатӣ байни Тоҷикистон ва Эрон дар Теҳрон баррасӣ шуд
РУШДИ САНОАТ. Дар шаҳри Истиқлол сохтмони корхонаи истеҳсоли оҳак идома дорад
Дар Тоҷикистон 3780 коргоҳу корхонаи истеҳсолӣ фаъолият менамояд
Дар Тоҷикистон ба маблағи беш аз 13 миллиард сомонӣ маҳсулот истеҳсол гардидааст
Дар Душанбе ҷаласаи 13-уми Шурои нозирони минтақаҳои озоди иқтисодӣ баргузор гардид
Душанбе мизбони ҷаласаи Шуро оид ба сиёсати саноатии давлатҳои ИДМ ва нишасти вазирони саноати Осиёи Марказӣ мегардад
