Рушди ҳамкории Тоҷикистон ва Туркия дар соҳаи сайёҳӣ тақвият меёбад

Февраль 28, 2024 17:35

ДУШАНБЕ, 28.02.2024 /АМИТ «Ховар»/. Имрӯз вохӯрии Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Умут Аҷар ва Ҳамоҳангсози барномавии идораи TIKA дар Ҷумҳурии Тоҷикистон Ибраҳим Этхем Унал баргузор гардид. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.

Ҷонибҳо соҳаи сайёҳиро самти афзалиятноки рушди иқтисоди миллӣ арзёбӣ намуда, баргузории ҷаласаҳои гурӯҳи кории муштаракро барои рушди ҳамкорӣ мувофиқи мақсад ҳисобиданд.

Дар мулоқот масъалаҳои мусоидат ба ҷалби сармояи Ҷумҳурии Туркия ба рушди инфрасохтори сайёҳӣ, истифодаи самараноки беҳтарин таҷрибаҳои Туркия оид ба пешбурди соҳаи сайёҳии мамлакат дар самти хизматрасонӣ ва ташкил намудани даврҳои омӯзишӣ дар соҳаи сайёҳӣ барои кормандони соҳаи сайёҳии Ҷумҳурии Тоҷикистон мавриди муҳокима қарор гирифтанд.

Аз ҷониби роҳбарияти Кумита пешниҳод шуд, ки ҷудо намудани бурсияҳо ба шаҳрвандони Ҷумҳурии Тоҷикистон барои дохил шудан ба магистратура дар донишгоҳҳои Ҷумҳурии Туркия баҳри омода намудани мутахассисони баландихтисос дар риштаи сайёҳӣ заминаи мусоид мегузорад.

Ин пешниҳод аз ҷониби Сафири Фавқулода ва Мухтори Ҷумҳурии Туркия дар Ҷумҳурии Тоҷикистон ба хубӣ пазируфта шуда, дар ин самт масъулини ҷонибҳо корҳои муайянро анҷом доданд.

Ҳамзамон зимни мулоқот роҳбарияти Кумита иброз намуд, ки Форуми дуюми сайёҳии Тоҷикистон ва Туркия дар шаҳри Душанбе баргузор мешавад. Форуми якуми он дар шаҳри Истанбул доир шуда буд.

Дар доираи Форуми дуюми сайёҳии Тоҷикистон ва Туркия барои муаррифии имконияти сайёҳии ҳарду ҷониб саёҳат барои рӯзноманигорон бо ҷалби намояндагони воситаҳои ахбори омма дар назар аст.

АКС: Кумитаи рушди сайёҳии назди Ҳукумати Ҷумҳурии Тоҷикистон

Февраль 28, 2024 17:35

Хабарҳои дигари ин бахш

Дар Хуҷанд нуқтаи хизматрасонии шуъбаи милитсияи сайёҳӣ ифтитоҳ гардид
Дар вилояти Суғд шумораи корхонаҳои истеҳсоли равған меафзояд
Дар шаҳри Гулистон Форуми байналмилалии сайёҳӣ баргузор гардид
Дар Кумитаи рушди сайёҳии Тоҷикистон ҷаласаи ҳайати мушовара доир гардид
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони вилояти Суғд машварати корӣ доир намуданд
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
Пешвои миллат Эмомалӣ Раҳмон дар шаҳри Истаравшан ба ятимон туҳфаҳо тақдим намуданд
Ҳайати Тоҷикистон дар ҷаласаи Комиссияи Созмони ҷаҳонии сайёҳӣ иштирок намуд