Муассисаҳои тандурустии ноҳияи Рашт навсозию таъмир ва бо таҷҳизоти пешрафтаи соҳа муҷаҳҳаз мегарданд
РАШТ, 04.02.2024 /АМИТ «Ховар»/. Дар заминаи ҳамкории судманди Ҷумҳурии Тоҷикистон бо Бонки осиёии рушд ва татбиқи Лоиҳаи «Хизматрасониҳои маҷмуӣ барои модар ва кӯдак» имрӯзҳо дар ноҳияи Рашт корҳои сохтмон ва таъмиру таҷҳизонидани маркази ташхису табобат, бинои Беморхонаи марказӣ, Маркази саломатии ноҳиявӣ, шуъбаи таваллуд идома доранд, иттилоъ медиҳад мухбири минтақавии АМИТ «Ховар» Субҳониддини Маҳмуд.
Мувофиқи ин лоиҳа, баъди ба анҷом расидани корҳои сохтмонӣ ин муассисаҳо бо муосиртарин дастгоҳу лавозимоти соҳаи тиббӣ муҷаҳҳаз гардонида мешаванд.
Корҳои сохтмонӣ дар иншоот мутобиқи қоидаҳои меъморӣ гузаронида шуда, ҳоло 70%-и он ба анҷом расидааст. Бояд гуфт, ки баъди таъмиру навсозӣ ин муассисаҳо ба зиёда аз 135 ҳазор аҳолии ноҳияи Рашт ва сокинони навоҳии минтақаи Рашт хизмати тиббӣ мерасонанд.
Дар ноҳияи Рашт барои хизматрасонии тиббӣ ба аҳолӣ Беморхонаи марказӣ, Маркази саломатии ноҳиявӣ, 19 маркази саломатии деҳот, 49 хонаи саломатӣ, 8 маркази барномаҳои миллӣ, шуъбаи ёрии таъҷилӣ фаъолият намуда, дар онҳо 131 табиб ва 452 корманди миёнаи тиб фаъолият менамоянд. Инчунин диспансери байниноҳиявии бемориҳои руҳӣ ба беморони минтақа хизмати тиббӣ мерасонад.
Фаъолияти муассисаҳои тандурустии ноҳияи Рашт бо дастгирии Вазорати тандурустӣ ва ҳифзи иҷтимоии аҳолӣ ва мақомоти иҷроияи ҳокимияти давлатии ноҳия рӯ ба беҳбудӣ меорад.
Дар ноҳия 6 муассисаи госпиталӣ фаъолият доранд, ки дорои 366 кати бистарӣ мебошанд.
АКС: Мақомоти иҷроияи ҳокимияти давлатии ноҳияи Рашт
Дар моҳи дуюми тобистон Тоҷикистонро чӣ гуна ҳаво интизор аст?
Дар шаҳри Истаравшан сохтмони зиёда аз 20 иншооти соҳаи маориф идома дорад
35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
