НИШАСТИ МАТБУОТӢ. Дар Консерваторияи миллии Тоҷикистон озмоишгоҳи таълимии созтарошӣ ба истифода дода шуд
ДУШАНБЕ, 12.02.2024 /АМИТ «Ховар»/. Соли 2023 дар Консерваторияи миллии Тоҷикистон ба номи Талабхӯҷа Сатторов озмоишгоҳи таълимии созтарошӣ ва таъмири асбоби мусиқӣ ба истифода дода шуд, ки дар он донишҷӯён машғули фаъолият мебошанд. Дар озмоишгоҳ асбоби мусиқии рубобу най созтарошӣ ва барои истифода дар дарсҳо ба Консерватория тақдим гардид. Дар ин хусус имрӯз зимни нишасти матбуотӣ ректори Консерваторияи миллии Тоҷикистон Миралӣ Достизода ба хабарнигорон иттилоъ дод.
Гуфта шуд, ки аз ҷониби устодону мутахассисони соҳибтаҷриба зимни санҷиш ба ин асбоб баҳои баланд дода шуд. Ҳамзамон изҳор гардид, ки ин асбоб нисбат ба дигар намунаҳо беҳтар ва бо сифати баландтар таҳия гардидааст.
Таъкид гардид, ки баҳри баланд бардоштани сифати таълим ва сатҳи таълими омӯзгорону донишҷӯён бо ҷалби мутахассисони хориҷӣ дарсҳои маҳорат баргузор шуданд. Аз ҷумла, аз рӯйи ихтисоси сарояндагии академӣ бо иштироки ҳунармандони маъруфи Русия Виктория Носовская ва Вячеслав Олоховский дарси маҳорат гузаронида шуд.
Миралӣ Достизода изҳор намуд, ки раёсати Консерватория дар ҳамкорӣ бо Театри давлатии академии опера ва балети ба номи Садриддин Айнӣ намоишҳои студияи операвии донишҷӯёнро ба саҳнаи театр гузошта, манзури тамошобинон мегардонанд. «Ин гуна намоишҳо имкон медиҳанд, то донишҷӯёни мо байни дигар устодони ботаҷрибаву соҳибкасб маҳорат нишон дода, баҳри рушди ҳунар ҳарчӣ бештару беҳтар кӯшиш намоянд. Инчунин ин гуна намоишҳо барои ба саҳнаҳои калон баромадан замина мегузоранд»,- афзуд ӯ.
Шаҳлои САДРИДДИН,
АМИТ «Ховар»
АКС: АМИТ «Ховар»
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
