НИШАСТИ МАТБУОТӢ. Дар ноҳияи Тоҷикобод 50 лоиҳа ба маблағи зиёда аз 40 миллион сомонӣ дар ҳоли татбиқ қарор дорад
ТОҶИКОБОД, 14.02.2024. /АМИТ «Ховар»/. Бо дастгирии Ҳукумати Ҷумҳурии Тоҷикистон соли 2023 дар ноҳияи Тоҷикобод 103 лоиҳаи хурду калони давлатии сармоягузорӣ ба маблағи 42,2 миллион сомонӣ амалӣ шуд, ки нисбат ба ҳамин давраи соли гузашта 24,7 миллион сомонӣ зиёд мебошад. Барномаи рушди иҷтимоию иқтисодии ноҳияи Тоҷикобод барои солҳои 2021-2025 196 лоиҳаро ба маблағи 139 миллион сомонӣ дар бар гирифта, то охири соли 2023 70 лоиҳа ба маблағи 50,1 миллион сомонӣ ё 36,8 фоиз иҷро гардидааст. Инчунин 50 лоиҳаи дигар ба маблағи зиёда аз 40 миллион сомонӣ дар ҳоли татбиқ қарор дорад. Дар ин хусус Раиси ноҳияи Тоҷикобод Қадриддин Фақерзода зимни нишасти матбуотӣ ба хабарнигорон иттилоъ дод.
Зимни нишасти матбуотӣ гуфта шуд, ки дар асоси дастуру супоришҳои Президенти Тоҷикистон муҳтарам Эмомалӣ Раҳмон соли 2023 баҳри таъмини амнияти озуқаворӣ кишоварзони ноҳияи Тоҷикобод 3102,7 тонна зироати ғалладонагӣ, 29469 тонна картошка, 6094,6 тонна сабзавот, 5567 тонна мева, 2122,6 тонна гӯшт ва 117 тонна асал истеҳсол намуданд, ки аз он ба шаҳру навоҳии ҷумҳурӣ 21,0 ҳазор тонна маҳсулоти кишоварзӣ содирот гардид.
Ба ифтихори ҷашни таърихии 35-солагии Истиқлоли давлатӣ дар ноҳияи Тоҷикобод бунёду барқарорсозии 101 иншоот ба нақша гирифта шудааст. То имрӯз 27 иншоот ба истифода дода шуда, сохтмон ва ҳуҷҷатгузории иншооти дигар идома дорад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
