РӮЗИ ДИЛОВАРОНИ ШУҶОИ ВАТАН. Дар Донишкадаи кӯҳию металлургии Тоҷикистон 31-солагии таъсиси Қувваҳои Мусаллаҳ таҷлил гардид
ДУШАНБЕ, 22.02.2024. /АМИТ «Ховар»/. Дар Донишкадаи кӯҳию металлургии Тоҷикистон дар шаҳри Бӯстон 31-солагии таъсиси Қувваҳои Мусаллаҳи Ҷумҳурии Тоҷикистон таҷлил гардид, хабар доданд ба АМИТ «Ховар» дар ин донишкада.
Дар ҳамоиш Раиси шаҳри Бӯстон Нигорахон Ғаффорзода ва намояндагони Мақомоти иҷроияи ҳокимияти давлатии вилояти Суғд, мақомоти ҳифзи ҳуқуқ, хизматчиёни давлатӣ ва собиқадорони Қувваҳои Мусаллаҳи Ҷумҳурии Тоҷикистон иштирок намуданд.
Меҳмонон бо растаҳои рассомии дастпарварони Мактаби санъати ба номи «Шодмон Алифов»-и шаҳри Бӯстон ва намоиши китобҳо доир ба мавзуи ватандӯстӣ шинос шуданд.
Таъкид гардид, ки дастовардҳои имрӯзаи даврони соҳибистиқлолӣ насли ҷавонро ба суботу созандагӣ, бунёдкориву донишандӯзӣ ва ҳимояи марзу буми Ватани азизамон ҳидоят менамоянд. Ин тасмими арзишманд давлатамонро ба рушди босуботу амнияти комил ва касб намудани обрӯву эътибори арзанда дар арсаи байналмилалӣ ноил гардонид, ки бемуҳобо, дар ниҳоди насли ҷавон неруву тавон ва умед бахшидан ба ояндаи дурахшони мамлакатамон аз омилҳои асосӣ гардид.
Роҳбари шаҳр аз таъмини шароити арзандаи хизмат дар сафҳои Қувваҳои Мусаллаҳи Ҷумҳурии Тоҷикистон зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуд.
Сипас, як зумра собиқадорону хизматчиёни ҳарбии ҷузъу томҳои Қувваҳои мусаллаҳи Ҷумҳурии Тоҷикистон бо сипосномаи Мақомоти иҷроияи ҳокимияти давлатии шаҳр ва туҳфаҳои хотиравӣ сарфароз гардонида шуданд.
Баъдан барномаи рангини фарҳангӣ-ҳарбикунонидашуда бо фарогирии шеъру таронаҳои ватандӯстона, тараннуми сулҳу субот, оромиву амният, ваҳдати миллӣ, Тоҷикистон ва Пешвои миллат манзури тамошобинон гардид.
АКС: Донишкадаи кӯҳию металлургии Тоҷикистон дар шаҳри Бӯстон
Имрӯз дар Тоҷикистон ҳавои бебориш пешгӯӣ мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мегардад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Имрӯз дар баъзе ноҳияҳои Тоҷикистон туман мефарояд
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
