Соли 2023 Маркази миллии қонунгузорӣ 6 таҳқиқоти муқоисавию ҳуқуқии қонунгузории Тоҷикистонро бо қонунгузории давлатҳои хориҷӣ гузаронид
ДУШАНБЕ, 03.02.2024 /АМИТ«Ховар»/. Соли гузашта 6 таҳқиқоти муқоисавию ҳуқуқии қонунгузории Ҷумҳурии Тоҷикистон бо қонунгузории давлатҳои хориҷӣ, аз ҷумла, Кодекси меҳнати Ҷумҳурии Тоҷикистон, Кодекси гумруки Ҷумҳурии Тоҷикистон, қонунгузории ҷиноятии Ҷумҳурии Тоҷикистон вобаста ба масъалаи имплементатсияи боби 3-и Конвенсияи Созмони Милали Муттаҳид зидди коррупсия, инчунин қонунҳои Ҷумҳурии Тоҷикистон «Дар бораи муқовимат ба коррупсия», «Дар бораи экспертизаи экологӣ» ва «Дар бораи иттилоот» бо қонунгузории Қазоқистон, Узбекистон, Беларус, Молдова, Озорбойҷон, Қирғизистон, Туркманистон ва Федератсияи Русия гузаронида шуд. Дар ин хусус 2 феврал зимни нишасти матбуотии Маркази миллии қонунгузории назди Президенти Ҷумҳурии Тоҷикистон иттилоъ дода шуд.
Дар нишаст иброз гардид, ки бо мақсади баланд бардоштани сатҳи малакаи тахассусии илмии кормандон соли 2023 мутахассисони Маркази миллии қонунгузорӣ дар машварат ва чорабиниҳои омӯзишӣ, ки дар Қазоқистон, Узбекистон, Ҳиндустон, Латвия, Белгия ва дигар давлатҳо баргузор шуд, иштирок намуданд.
«Гузаронидани таҳқиқоти илмию таҳлилӣ оид ба ҳолат, раванди инкишоф ва амалияи истифодаи қонунгузорӣ яке аз вазифаҳои асосии Маркази миллии қонунгузории назди Президенти Ҷумҳурии Тоҷикистон маҳсуб шуда, соли 2023 кормандони марказ 135 мақолаҳои илмию оммавӣ дар мавзуъҳои гуногун таҳия ва нашр намуданд», — гуфта шуд дар нишаст.
Ҳамчунин соли сипаришуда кормандони марказ дар 30 гурӯҳи кории байниидоравӣ ва ҷаласаҳо оид ба таҳияи лоиҳаҳои санадҳои меъёрии ҳуқуқӣ иштирок намуданд.
АКС: АМИТ «Ховар»
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
