Вазорати адлияи Тоҷикистон ба буҷет 72 миллиону 532 ҳазор сомонӣ боҷи давлатӣ ворид намуд

Февраль 18, 2024 14:17

ДУШАНБЕ, 18.02.2024 /АМИТ «Ховар»/. Соли 2023 аз ҷониби Вазорати адлияи Ҷумҳурии Тоҷикистон ба буҷети ҷумҳурӣ 184 миллиону 912 ҳазор сомонӣ, ки нисбат ба ҳамин давраи ҳисоботӣ 24 миллиону 820 ҳазор сомонӣ ё 16 фоиз зиёд мебошад, маблағ ворид гардидааст. Дар ин хусус зимни нишасти матбуотӣ 15 феврал Вазири адлияи мамлакат Музаффар Ашуриён иттилоъ дод.

Ба гуфтаи Музаффар Ашуриён, аз ҷониби вазорат ҳамзамон соли 2023 боҷи давлатӣ ба маблағи умумии 72 миллиону 532 ҳазор сомонӣ ба буҷет ворид гардид.

Иброз шуд, ки дар 47 шаҳру ноҳияи ҷумҳурӣ 47 ҳуқуқшиноси давлатӣ дар Муассисаи давлатии «Маркази ёрии ҳуқуқӣ» дар давраи ҳисоботӣ ба 10 284 шаҳрванд машварати ҳуқуқӣ пешниҳод намуд. Аз ин шумора 3419 (34%)  нафар мард ва 6865 (66%) нафарро зан ташкил дода, аз шумораи умумӣ 364 нафар шахсони маъюб мебошанд.

Иттилоъ дода шуд, ки дар айни замон дар 19 шаҳру ноҳияи ҷумҳурӣ Маркази ёрии ҳуқуқӣ амал наменамояд. Тибқи нақшаи Вазорати адлия ояндаи наздик дар назар аст, ки дар шаҳру ноҳияҳои боқимонда чунин марказҳо бо ҳуқуқшиносони давлатӣ таъсис дода шаванд.

Шаҳлои САДРИДДИН,
АМИТ «Ховар»

АКС: АМИТ «Ховар»

Февраль 18, 2024 14:17

Хабарҳои дигари ин бахш

Дар вилояти Суғд шумораи корхонаҳои истеҳсоли равған меафзояд
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони вилояти Суғд машварати корӣ доир намуданд
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
Пешвои миллат Эмомалӣ Раҳмон дар шаҳри Истаравшан ба ятимон туҳфаҳо тақдим намуданд
Дар оянда байни Душанбе ва Сеул роҳи ҳавоӣ кушода мешавад
8 АПРЕЛ-РӮЗИ ИҚТИСОДЧИЁН. Созмонҳои бонуфузи байналмилалии молиявӣ Тоҷикистонро давлати дорои суръати баланди рушди иқтисодӣ арзёбӣ намудаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
Корхонаи давлатии фаръии «Обтаъминкунӣ» дар ноҳияи Ҳамадонӣ ба беш аз 4 ҳазор хоҷагӣ хизмат мерасонад