Ҳамкории Тоҷикистон ва Эрон дар самти илму маориф тақвият меёбад
ДУШАНБЕ, 28.03.2024. /АМИТ «Ховар»/. Бо мақсади густариши ҳамкории дуҷониба ва тақвият додани самти илму маориф, табодули устодону донишҷӯён ва анҷом додани корҳои илмию таҳқиқотӣ имрӯз Ректори Донишгоҳи миллии Тоҷикистон Эмомалӣ Насриддинзода бо Сафири Ҷумҳурии Исломии Эрон дар Тоҷикистон Алиризо Ҳақиқиён вохӯрӣ намуд. Дар ин хусус АМИТ «Ховар» бо истинод ба Донишгоҳи миллӣ хабар медиҳад.
Ректори донишгоҳ иброз намуд, ки Ҷумҳурии Исломии Эрон яке аз аввалин давлатҳое мебошад, ки соҳибистиқлолии Тоҷикистонро ба расмият шинохт ва сафораташро дар Душанбе ифтитоҳ намуд. Бад-ин тариқ ҳамкориву равобити густурдае байни ду давлат дар сатҳи сиёсӣ, иқтисодӣ ва фарҳангӣ оғоз гардида, риштаҳои пайванду ҳамкории муштарак байни Донишгоҳи миллӣ ва бисёр муассисаҳои олии Ҷумҳурии Исломии Эрон вусъати бештар пайдо намуд.
Гуфта шуд, ки ташрифи сафири кабири Ҷумҳурии Исломии Эрон ба рушди ҳамкории илмию таълимии Донишгоҳи миллии Тоҷикистон бо муассисаҳои таҳсилоти олӣ ва марказҳои илмию таълимии Ҷумҳурии Исломии Эрон мусоидат намуда, дар рушду такомули ҳамаи самтҳо пешравиҳои тоза ба амал меоянд.
Сафири Ҷумҳурии Исломии Эрон иброз намуд, ки «ҳамкории илмиву фарҳангии ду давлат яке аз дурахшонтарин саҳифаҳои робитаҳои Тоҷикистон ва Эрон аст, зеро табодули таҷриба байни донишмандон, муаллимон, донишомӯзон, иҷрои барномаҳои фарҳангӣ- ҳунарии ду давлат ва ширкати донишмандону фарҳангиён дар ҳамоишҳои байналмилалӣ аз авлавияти аслии ин равобит аст».
Таъкид гардид, ки вохӯрӣ дар густариши ҳамкории дуҷониба ва тақвият додани самти илму маорифи ду давлат, табодули устодону донишҷӯён ва анҷом додани корҳои илмию таҳқиқотӣ заминаи мустаҳкам мегузорад.
Изҳори умедворӣ шуд, ки дурнамои неки муносибатҳо байни муассисаҳои таҳсилоти олии ду давлати ҳамзабону ҳамфарҳанг боз ҳам қавӣ гардида, ҳамкорӣ дар самтҳои илму таълим ва фарҳангу робита минбаъд низ густариш меёбад.
АКС: Донишгоҳи миллии Тоҷикистон
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
Донишҷӯёни тоҷик дар Русия дар ҷаласаи шурои маҳфили «Ҷавононе, ки дар хориҷи мамлакат таҳсил доранд» иштирок намуданд
