Кумитаи ҳолатҳои фавқулода ва мудофиаи гражданӣ аз хатари фаромадани тарма то 27 март ҳушдор медиҳад
ДУШАНБЕ, 21.03.2024 /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи шаҳрвандон ва меҳмонони мамлакат мерасонад, ки тибқи маълумоти обуҳавошиносон, 21-22 март дар натиҷаи бориши пешбинишуда хавфи баланд шудани сатҳи оби дарёҳои Ёхсу ва Қизилсу (Ҷанубӣ) ва дарёҳое, ки аз нишебиҳои ҷанубии қаторкӯҳҳои Ҳисор ҷорӣ мешаванд, дар назар аст. Инчунин аз 21 то 27 март дар ноҳияҳои кӯҳӣ ва кӯҳистонии тобеи ҷумҳурӣ, шоҳроҳи Душанбе-Чанок ва манотиқи ғарбии Вилояти Мухтори Кӯҳистони Бадахшон хатари баланди фаромадани тарма боқӣ мемонад. Дар ин хусус АМИТ «Ховар» бо истинод ба ин кумита хабар медиҳад.
Ҳамзамон Кумита аз шаҳрвандон хоҳиш менамояд, ки дар ин рӯзҳо ҳаракатро дар роҳҳои кӯҳӣ маҳдуд намуда, аз анҷом додани корҳои кишоварзӣ, чаронидани чорво, ҷамъоварии ҳезум, ҷамъоварии гиёҳ ва шикор дар манотиқи кӯҳистон худдорӣ намоянд.
Барои таъмини амнияти ронандагон дар шоҳроҳи зимистона ва расонидани ёрии таъҷилӣ дар ҳолатҳои фавқулода дар қитъаҳои шоҳроҳи Душанбе-Айнӣ-Хуҷанд аз ҳисоби наҷотдиҳандагони Кумита дидбонгоҳҳои сайёр таъсис дода шудаанд.
Илова бар ин дар дигар роҳҳои кӯҳии мамлакат кормандони Кумита дар якҷоягӣ бо намояндагони Вазорати нақлиёт ва Вазорати корҳои дохилӣ навбатдорӣ менамоянд. Ин тадбирҳо дар давраи хатари ҳодисаҳои фавқулода дар роҳҳо, ки дар натиҷаи сардии ҳаво ва бориши барф ба вуҷуд меоянд, зарур мебошанд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
ГРАНТИ ПРЕЗИДЕНТӢ. Ба 200 нафар занон — ғолибони лоиҳаҳои гранти президентӣ дар соли 2025 Диплом супорида шуд
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо Вазорати маорифи Русия Ёддошти тафоҳум ба имзо расонд
