Тоҷикистон ҳамкориро бо Словакия дар соҳаи роҳу нақлиёт тақвият медиҳад
ДУШАНБЕ, 22.03.2024 /АМИТ «Ховар»/. Рушди ҳамкории дуҷониба байни Тоҷикистон ва Словакия дар соҳаи роҳу нақлиёт, аз ҷумла, дар доираи муколамаи Тоҷикистон-Иттиҳоди Аврупо, бахусус Созишнома дар бораи иҷозати ягонаи транзитии TRACECA (долони нақлиётии Аврупо – Қафқоз-Осиё) дар мулоқоти Вазири нақлиёти Тоҷикистон Азим Иброҳим бо Сафири Фавқулода ва Мухтори Ҷумҳурии Словакия дар Ҷумҳурии Тоҷикистон (бо қароргоҳ дар Тошканд) Виктор Боретский дар Душанбе баррасӣ гардид.
АМИТ «Ховар» бо истинод ба Вазорати нақлиёти Тоҷикистон иттилоъ медиҳад, ки Вазири нақлиёти Тоҷикистон Азим Иброҳим ба рушди ҳамкорӣ байни ду давлат тибқи Ёддошти моҳи январи соли 2024 байни Вазорати нақлиёти Тоҷикистон ва Бонки содироту воридоти Словакия ба имзорасида изҳори ҳавасмандӣ намуд. Ҳадаф аз имзои ин санад ҷудо намудани қарзи имтиёзнок ва грант барои татбиқи лоиҳаҳои сармоягузорӣ ҷиҳати насби тарозуҳои автомобилӣ дар роҳҳои автомобилгарди дорои аҳамияти ҷумҳуриявӣ ва байналмилалии Тоҷикистон буд.
«Насби тарозуҳо оид ба танзими меъёрҳо ва ҳаракати воситаҳои нақлиёти боркаш ба ҳифзи инфрасохтори сохташуда аз осеббинӣ мусоидат менамояд», — гуфт вазир.
Ба андешаи Азим Иброҳим, ин раванд дар маҷмуъ ба солҳои дароз хизмат намудани инфрасохтори сохташуда ва коҳиши ҷалби маблағ барои нигоҳдории ҷории иншооти роҳ мусоидат менамояд.
Сафири Словакия Виктор Боретский омодагиашро барои мусоидат ба рушди минбаъдаи ҳамкорӣ тасдиқ намуда, ваъда дод, ки иҷрои нуктаҳои Ёддошти ҳусни тафоҳумро дар ҳамкорӣ бо роҳбарияти Бонки содирот ва воридоти Словакия ва ширкати «Betamont», ки дар татбиқи лоиҳаҳои роҳу нақлиёт, хусусан дар соҳаи насби тарозуҳо барои чен кардани вазни воситаҳои нақлиёти боркаш ва рақамисозии соҳаи роҳу нақлиёт таҷрибаи хуб ва дастовардҳои назаррас дорад, зери назорат мегирад.
АКС: Вазорати нақлиёти Ҷумҳури Тоҷикистон
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
