ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ЛАХШ, 07.04.2024 /АМИТ «Ховар»/. Бо ташаббуси Мақомоти иҷроияи ҳокимияти давлатии ноҳияи Лахш дар ҳудуди ҷамоати шаҳраки Ваҳдат маъракаи ниҳолшинонӣ доир гардида, дар ин рӯз 1200 бех ниҳоли мевадиҳанда ва ҳамешасабзу ороишӣ шинонида шуд. Дар ин хусус мудири бахши ҳифзи муҳити зисти ноҳияи Лахш Эраҷ Камолов ба хабарнигори АМИТ «Ховар» Субҳониддини Маҳмуд иттилоъ дод.
Мувофиқи нақша, солҳои 2023-2024 дар ноҳияи Лахш бояд 11 ҳазору 770 бех ниҳол ва 2000 ҳазор гулу буттаҳо шинонида шаванд. Хушбахтона, дар доираи дастуру супоришҳои Ҳукумати мамлакат ва иҷрои амалии нишондиҳандаҳои Паёми Президенти Ҷумҳурии Тоҷикистон ба Маҷлиси Олӣ бобати ҳифзи муҳити зист сокинони ноҳияи Лахш тариқи ҳашарҳои умумӣ нақшаи дарахтшинонию сабзазоркуниро иҷро менамоянд.
Директори Муассисаи давлатии Хоҷагии ҷангали ноҳияи Лахш Қадриддин Рузиев иброз дошт, ки “дар ҳудуди заминҳои Хоҷагии ҷангали ноҳия давоми се моҳи соли равон 7 гектар ҷангали нав бунёд ва 10 гектар ҷангал барқарор шуд. Мувофиқи нақшаи муассиса, то охири мавсими ниҳолшинонӣ бояд 27 гектар ҷангали нав бунёд ва 40 гектар ҷангали аз байнрафтаро барқарор намоем. Бештар дар заминҳои Хоҷагии ҷангал дарахтони мевадиҳанда, аз қабили чормағз, хуч, себ, нок, олуча ва сӯзанбаргу сафедор шинонда мешаванд. То имрӯз дар ҳудуди зиёда аз 11 гектар 150 килограмм тухмаки бодоми талх, шафтолу, зардолу ва чормағз пошида шудааст, ки ин дар оянда ба бунёди ҷангалзори нав мусоидат менамояд”.
Дар ҷамоатҳои шаҳраку деҳоти ноҳияи Лахш ниҳолҳои дарахтон бо тавсияи мутахассисон ва бо риояи қоидаҳои агротехникию мутобиқ ба минтақа шинонида мешаванд.
Кормандони Мақомоти иҷроияи ҳокимияти давлатии ноҳияи Лахш, сохторҳои гуногуни ноҳия ва сокинони ҷамоатҳои шаҳраку деҳот дар маъракаҳои ниҳолшинонӣ фаъолона иштирок намуда, дар ободонии ноҳия саҳм мегузоранд.
АКС: Мақомоти иҷроияи ҳокимияти давлатии ноҳияи Лахш
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
ТАТБИҚИ БАРНОМАИ «МАМЛАКАТИ САБЗ». Дар шаҳрҳои Душанбе ва Ваҳдат 1500 бех ниҳол шинонида шуд
ДАРАХТ БИНШОН! Омӯзгорони ноҳияи Рӯдакӣ дар канори шоҳроҳи Душанбе-Ваҳдат дарахтони ҳамешасабз шинониданд
ДАРАХТ БИНШОН! Дар варзишгоҳи марказии ноҳияи Восеъ беш аз 2000 бех дарахти сӯзанбарги ороишӣ шинонида шуд
«ШАҲРИ МАН – ХОНАИ МАН». Дар Душанбе беш аз 200 арчаи ҳамешасабз шинонида шуд
