Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
ДУШАНБЕ, 24.04.2024 /АМИТ «Ховар»/. Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Италия дар шаҳри Рим Мудири иҷроияи Ширкати «ВиБилд» (WeBuild) Пиетро Салиниро ба ҳузур пазируфта, масъалаҳои ҳамкорӣ оид ба ҷараёни сохтмони Неругоҳи барқи обии «Роғун»-ро муҳокима намуданд.
Мудири иҷроияи Ширкати «ВиБилд» (WeBuild) Пиетро Салини пас аз мулоқот бо Президенти Ҷумҳурии Тоҷикистон иброз намуд, ки «анҷом додани мулоқот бо Президенти Ҷумҳурии Тоҷикистон муҳтарам Эмомалӣ Раҳмон ва истиқболашон дар Италия бароям мояи хушнудӣ буд. Барномаи сафар хеле пурмуҳтаво буд, зимни он бо Президенти Ҷумҳурии Италия Серҷо Маттарелла ва Сарвазири Ҷумҳурии Италия Ҷорҷа Мелонӣ мулоқоту музокироти босамар анҷом дода шуд».
Ба гуфти ӯ, дар мулоқот оид ба ҷузъиёти зиёди пешбурди лоиҳаи Неругоҳи барқи обии «Роғун», дурнамо, аҳамият ва зарурати ба анҷомрасонии он сухан гуфта шуд.
Инчунин Пиетро Салини тазаккур дод, ки дар Италия ширкатҳои сершуморе ҳастанд, ки мехоҳанд ба Тоҷикистон биёянд ва ҳавасманд ҳастанд, ки бо Ҳукумати Ҷумҳурии Тоҷикистон ва мардуми тоҷик ҳамкорӣ намоянд. Ин хеле муҳим аст, зеро мардум бояд дар бораи Тоҷикистон маълумоти бештар дошта бошад.
«Тавре ба Ҷаноби Президент иброз намудам, италиявиҳо бояд бо Тоҷикистон шинос бошанд ва онро дӯст доранд. Ин орзуи неки ман ба саноатчиёни Италия аст, ки ба Тоҷикистон раванд ва чӣ гуна мамлакати дилпазиру афсонавӣ будани онро барои худ кашф намоянд», — гуфт дар охир Мудири иҷроияи Ширкати «ВиБилд» (WeBuild).
АКС: АМИТ «Ховар»
Барои рушди соҳаи занбуриасалпарварӣ дар Тоҷикистон тадбирҳои иловагӣ андешида мешаванд
Дар Тоҷикистон наздикӣ 1000 адад гармхонаҳои доимамалкунанда фаъолият мекунанд
Бонки аврупоии таҷдид ва рушд омодагии худро ҷиҳати татбиқи лоиҳаҳои нав дар вилояти Суғд баён дошт
Бонки миллии Тоҷикистон бо IFSB омодасозии кадрҳои баландихтисос дар соҳаи бонкдориро баррасӣ намуданд
Дар корхонаи муштараки «Зарафшон» 3000 нафар сокинони маҳаллӣ фаъолият менамоянд
Гардиши савдои хориҷии Тоҷикистон бо Швейтсария 49,8 миллион долларро ташкил дод
Дар Хоруғ Форуми байналмилалии сармоягузории «Помиринвест -2025» баргузор мешавад
Дар Душанбе Форуми соҳибкорони Тоҷикистону Қирғизистон баргузор мешавад
Намояндаи Бонки миллии Тоҷикистон дар нишасти солонаи Шурои хизматрасониҳои молиявии исломӣ иштирок намуд
Байни Тоҷикистон ва Фонди Саудии Рушд дар ҳаҷми 30 миллион доллари амрикоӣ созишномаи қарзӣ ба имзо расид
Гурӯҳи коршиносон ба ҷаласаи шашуми СҲШ оид ба ҳифзи муҳити зист омодагӣ мегирад
Ҷаласаи Ситоди ҷумҳуриявӣ оид ба сари вақт омода намудани соҳаҳои иқтисодиёт ва иҷтимоиёти Тоҷикистон ба давраи тирамоҳу зимистон баргузор шуд
