Тошканд пойтахти ҷавонони Иттиҳоди Давлатҳои Мустақил гардид
ДУШАНБЕ, 18.04.2024 /АМИТ «Ховар»/. Дар шаҳри Тошканд маросими ботантанаи ба шаҳр додани мақоми «Пойтахти ҷавонони Иттиҳоди Давлатҳои Мустақил» баргузор гардид. Дар ин хусус АМИТ «Ховар» бо истинод ба агентии Kazinform хабар доааст.
Дар маросими тантанавӣ роҳбарони ҳайатҳои Узбекистон, Тоҷикистон, Русия, Озарбойҷон, Арманистон, Беларус, Қазоқистон ва Қирғизистон иштирок намуданд.
Қарор дар бораи он, ки маҳз шаҳри Тошканд аввалин пойтахти ҷавонони Иттиҳоди Давлатҳои Мустақил интихоб мешавад, 8 июни соли 2023 дар Сочи дар ҷаласаи Шурои сарони ҳукуматҳои Иттиҳоди Давлатҳои Мустақил (ИДМ) оид ба масъалаҳои татбиқи лоиҳаи байналмилалии «Пойтахти ҷавонони ИДМ» қабул карда шуд.
Дабири кулли Иттиҳоди Давлатҳои Мустақил Сергей Лебедев ба ташкилкунандагон ва иштирокчиёни чорабинӣ пайғом фиристод. Ӯ ишора намуд, ки ҳамасола дар фазои Иттиҳод ҳамкории байнидавлатӣ дар соҳаи фарҳангӣ ва гуманитарӣ такмил ёфта, лоиҳаҳо ва барномаҳои нав ба миён меоянд.
«Яке аз чунин лоиҳаҳое, ки ба муттаҳид сохтани талошҳои давлатҳои Иттиҳод дар соҳаи кор бо ҷавонон, табодули таҷриба дар масъалаҳои рушди иқтидори ҷавонон ва такмили ҳамкории байналмилалии ҷавонон равона шудааст, лоиҳаи «Пойтахти ҷавонони ИДМ» мебошад, — изҳор дошт Сергей Лебедев.
Муовини роҳбари котиботи Шурои кор бо ҷавонони давлатҳои иштирокчии ИДМ Татяна Ковалева ба ҳокимияти пойтахт шаҳодатнома дар бораи додани мақоми нав ба Тошкандро супорид.
Соли 2025 пойтахти нави ҷавонони Иттиҳод шаҳри Габалаи Озарбойҷон мегардад, соли 2026 ин мақом ба шаҳри Капани Арманистон дода мешавад.
Азиза ИКРОМ,
АМИТ «Ховар»
АКС: Kazinform
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
