Дар Мактаб-интернати кӯдакони ятиму бепарастори ноҳияи Темурмалик 101 тарбиятгиранда ба таълим фаро гирифта шудааст

Май 26, 2024 13:31

ТЕМУРМАЛИК, 26.05.2024 /АМИТ «Ховар»/. Дар Мактаб-интернати  кӯдакони ятиму бепарастори ба номи Раҳмон Шукури Ҷамоати деҳоти Танобчии ноҳияи Темурмалик 101 тарбиятгиранда ба таълим фаро гирифта шудаанд, ки ба онҳо 16 омӯзгори соҳибтахассус таълим медиҳанд.

Мактаб-интернати кӯдакони ятиму бепарастори ноҳияи Темурмалик аз се ошёна иборат буда, дорои 11 синфхонаи таълимӣ ва хобгоҳ мебошад. Масоҳати замини он 6 гектарро ташкил дода, дар он барои 240 нафар ҷойи нишаст ва барои 150 тарбиятгиранда хобгоҳ сохта шудааст.

Тавре директори муассиса Муҳаммадҷон Умаров ба АМИТ «Ховар» иттилоъ дод, муассиса аз соли 1933 то имрӯз фаъолият менамояд. Солҳои пешин дар як бинои кӯҳна амал мекард. Хушбахтона, имрӯз бо дастгириҳои Ҳукумати Ҷумҳурии Тоҷикистон, хосса Президенти мамлакат муҳтарам Эмомалӣ Раҳмон Мактаб-интернат соҳиби бинои сеошёнаи наву замонавӣ бо тамоми таҷҳизот муҷаҳҳаз гардидааст.

«Дар ин таълимгоҳ тарбиятгирандагон аз ноҳияҳои Темурмалик, Восеъ, Балҷувон, Фархор, Ҳамадонӣ, Данғара, Муъминобод, Вахш, шаҳри Кӯлоб ва шаҳри Душанбе ба таълим фаро гирифта шудаанд», — гуфт директори муассиса Муҳаммадҷон Умаров.

Гуфта шуд, ки дар баробари маблағгузории Мақомоти иҷроияи ҳокимияти давлатии  ноҳияи Темурмалик Мактаб – интернатро Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон ва корхонаи «Тоҷикаэронавигатсия» сарпарастӣ ва дастгирӣ менамоянд.

Инчунин дар ҳама фасли сол ва иду ҷашнҳо аз аҳволи тарбиятгирандагон бохабар шуда, онҳоро бо хӯрокворӣ ва либос таъмин месозанд. Соҳибкорони маҳаллӣ ҳар ҳафта аз аҳволашон хабардор шуда, ба мактаб – интернат маводи ғизоӣ меоранд.

Мактаб – интернат дорои 35 компютер буда, дар он кабинетҳои фаннӣ аз химия, забони русӣ ва физика амал менамоянд.

Тарбиятгирандагони муассиса бо се вақт хӯроки гарм ва либосҳои зимистонаву тобистона таъмин мебошанд.

АКС: АМИТ «Ховар»

Май 26, 2024 13:31

Хабарҳои дигари ин бахш

«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад