Дар Тоҷикистон татбиқи лоиҳа оид ба барқикунонии нақлиёти ҷамъиятӣ бо дастгирии Комиссияи СММ оғоз гардид
ДУШАНБЕ, 06.05.2024 /АМИТ «Ховар»/. Бо дастгирии Комиссияи иқтисодӣ ва иҷтимоии Созмони Милали Муттаҳид /СММ/ барои давлатҳои Осиё ва Уқёнуси Ором — ЭСКАТО (UN Economic and Social Commission for Asia and the Pacific (UNESCAP) лоиҳаи «Суръатбахшии гузариш ба автомобилҳои барқӣ дар нақлиёти ҷамъиятӣ дар минтақаи Осиё ва Уқёнуси Ором, марҳилаи II» оғоз ёфт. Дар ин хусус АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад.
Комиссияи иқтисодӣ ва иҷтимоии СММ барои давлатҳои Осиё ва Уқёнуси Ором ба татбиқи лоиҳаи ҳамкории техникии «Суръатбахшии гузариш ба автомобилҳои барқӣ дар нақлиёти ҷамъиятӣ дар минтақаи Осиё ва Уқёнуси Ором, марҳилаи II» барои солҳои 2024 – 2026 дар Ҷумҳурии Тоҷикистон ба кор шуруъ намуд.
Лоиҳа барои мусоидат ба пешбурди минбаъдаи нақшаҳои миллӣ оид ба барқикунонии паркҳои нақлиёти ҷамъиятӣ равона гардида, дар анҷоми татбиқи он дар назар аст, ки шабакаҳои озмоишии электробусҳо дар чор давлати мақсадноки давлатҳои аъзои ин комиссия, аз ҷумла Тоҷикистон ҷорӣ карда шаванд.
Инчунин дар доираи лоиҳа дар Тоҷикистон харитаи роҳи минтақавӣ оид ба шаклҳои маблағгузорӣ ва ҷалби сармояи хориҷӣ барои гузариш ба нақлиёти барқии ҷамъиятӣ таҳия мегардад. Дар доираи ин лоиҳа солҳои 2024 – 2026 аз ҷониби масъулини соҳа баргузории вохӯриҳо дар сатҳи миллӣ ва ҳамоишҳои ҷонибҳои манфиатдор, ҳамоҳангсозии механизми барқикунонии соҳа байни мақомоти марбута, таҳияи арзёбии эҳтиёҷоти техникӣ, таҳияи тавсияҳои инфиродӣ оид ба имконот/механизмҳои қобили маблағгузории ҳаракат дар нақлиёти ҷамъиятӣ ва имконияти дохил кардани сармоягузорӣ ба рушди электромобилҳо дар ҷумҳурӣ, таҳия ва татбиқи лоиҳаи озмоишии автобуси барқӣ дар яке аз шаҳрҳои Тоҷикистон амалӣ карда мешавад.
АКС: АМИТ «Ховар»
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
