Донишгоҳи давлатии омӯзгории Тоҷикистон дар рейтинги Вазорати маорифи Чин дар ҷойи аввал қарор гирифт
ДУШАНБЕ, 28.05.2024. /АМИТ «Ховар»/. Донишгоҳи давлатии омӯзгории Тоҷикистон ба номи Садриддин Айнӣ дар рейтинг (раддабандӣ)-и муассисаҳои олии касбии Ҷумҳурии Тоҷикистон дар рӯйхати Вазорати маорифи Ҷумҳурии Мардумии Чин ҷойи аввалро соҳиб гардид. Дар ин хусус ба АМИТ «Ховар» дар Донишгоҳи давлатии омӯзгории Тоҷикистон хабар доданд.
Чунин баҳогузориро Вазорати маорифи Ҷумҳурии Мардумии Чин вобаста ба таваҷҷуҳе, ки довталабони Чин нисбат ба Донишгоҳи омӯзгории Тоҷикистон доранд, ба инобат гирифтааст. Хабари дар ҷойи аввал қарор гирифтани донишгоҳро Вазорати маорифи Ҷумҳурии Мардумии Чин дар сомонаи расмиаш интишор намудааст.
Гуфта мешавад, ки Донишгоҳи давлатии омӯзгории Тоҷикистон ба номи Садриддин Айнӣ фаъолияти байналмилалии густурда пеш гирифта, дар айни замон бо зиёда аз 120 муассисаи илмӣ ва таълимии давлатҳои хориҷии дуру наздик шартномаҳои ҳамкорӣ ба имзо расонидааст.
Ёдовар мешавем, ки бори нахуст аз ҷониби Ассотсиатсияи таҳсилоти олии Чини Созмони ҳамкории Шанхай ва Маркази хизматрасонии Чин оид ба табодули байналмилалии илмии назди Вазорати маорифи Ҷумҳурии Мардумии Чин 89 ихтисоси Донишгоҳи давлатии омӯзгории Тоҷикистон ба номи Садриддин Айнӣ аз аккредитатсияи байналмилалии институтсионӣ (Institutional accreditation) гузаштанд.
Ҳамзамон имсол Муассисаи «London School of Digital Business» ректори Донишгоҳи давлатии омӯзгории Тоҷикистон ба Садриддин Айниро барои саҳми арзанда дар самти илм ва маориф, фидокорӣ, меҳнатдӯстӣ, суботкорӣ ва эътирофи дастовардҳо ба «Ҷоизаи беҳтарин донишгоҳи навовар ва пешрафтаи соли 2023-и Муассисаи Лондон оид ба тиҷорати рақамӣ (LREA 2023)» сазовор донист.
АКС: Донишгоҳи давлатии омӯзгории Тоҷикистон ба номи Садриддин Айнӣ
Машварати омӯзишиии PISA барои 1206 омӯзгори муассисаҳои таълимии шаҳри Душанбе ҷамъбаст шуд
Ҳамкории Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии иқтисодии Урал таҳким меёбад
6 хонандаи Тоҷикистон дар даври ниҳоии Олимпиадаи байналмилалии «IJSO-2024» иштирок менамояд
Ҳайати комиссияи Озмуни ҷумҳуриявии «Фурӯғи субҳи доноӣ китоб аст» бо ҷараёни баргузории он дар Ҳисор шинос шуд
«ФУРӮҒИ СУБҲИ ДОНОӢ КИТОБ АСТ». Муовини Сарвазири Тоҷикистон бо рафти баргузории даври сеюми озмун дар Хатлон шинос шуд
Дар Суғд 60 иншооти соҳаи маориф бо 11 ҳазору 35 ҷойи нишаст ба истифода дода шуд
«ФУРӮҒИ СУБҲИ ДОНОӢ КИТОБ АСТ». Муовини Сарвазири Тоҷикистон бо раванди баргузории даври сеюми озмун дар шаҳри Душанбе шинос шуд
«ТАРБИЯИ ВАТАНДӮСТӢ: НАҚШ ВА ҶОЙГОҲИ ОН ДАР ҲАЁТИ ҶАВОНОН». Таҳти ин унвон дастури таълимӣ ба нашр расид
«ФУРӮҒИ СУБҲИ ДОНОӢ КИТОБ АСТ». Даври сеюми озмуни ҷумҳуриявӣ дар вилояти Суғд то 25 август идома меёбад
Муассисаҳои таълимии шаҳри Хуҷанд бо омӯзгорони соҳибтахассуси забонҳои русӣ ва англисӣ таъмин мебошанд
Муовини Сарвазири Тоҷикистон бо омодагии муассисаҳои таълимии шаҳри Бӯстон ба соли нави таҳсил шинос шуд
БАРНОМАИ ЭЛЕКТРОНИИ «EDONISH». Механизми электронии сабти он чӣ бартарият дорад?
