Президенти Тоҷикистон аз шумораи кам ва ба талабот ҷавобгӯ набудани паркҳои технологии муассисаҳои таҳсилоти олии касбии мамлакат изҳори нигаронӣ намуданд
ДУШАНБЕ, 31.05.2024 /АМИТ «Ховар»/. Президенти Тоҷикистон муҳтарам Эмомалӣ Раҳмон дар мулоқот бо аҳли илм ва маорифи мамлакат, ки 30 май дар Душанбе доир гардид, аз шумораи кам ва ба талабот ҷавобгӯ набудани паркҳои технологӣ дар мамлакат изҳори нигаронӣ намуданд.
Сарвари давлат афзуданд, ки «ҳоло дар назди муассисаҳои таҳсилоти олии касбӣ ҳамагӣ 24 парки технологӣ амал мекунад. Илова ба хеле кам будани чунин паркҳо фаъолияти онҳо ба талабот ҷавобгӯ набуда, аксарашон ба ном вуҷуд доранд. Аз ин рӯ, бо назардошти ин вазоратҳои маориф ва илм, саноат ва технологияҳои нав ва муассисаҳои таҳсилоти олии касбиро зарур аст, ки барои ба талаботи замон мувофиқ намудани фаъолияти паркҳои технологӣ то охири имсол тадбирҳои дахлдор андешанд».
Гуфта шуд, ки баҳри вусъат бахшидан ба корҳои амалӣ ва ихтироъкориву навоварӣ Қонуни Ҷумҳурии Тоҷикистон «Дар бораи паркҳои технологӣ» қабул гардид, ки беш аз даҳ сол инҷониб амал мекунад. Инчунин соли 2021 паркҳои технологии муассисаҳои таҳсилоти олии касбии мамлакат аз андоз озод гардида, ба онҳо иловатан якчанд имтиёз дода шуд.
Пешвои миллат илова намуданд, ки дар бисёр кишварҳо дар асоси таҷҳизоту молҳои воридшаванда бо мутобиқ кардани онҳо ба шароит ва талаботи дохилӣ таҷҳизоту молҳои худӣ истеҳсол ва бо ин роҳ воридотро иваз мекунанд. Барои чӣ дар ҳамкорӣ байни паркҳои технологии муассисаҳои таҳсилоти олӣ, Академияи миллии илмҳо ва корхонаҳои саноатии кишвар истеҳсоли баъзе таҷҳизот ва молҳое, ки мо бо пардохти асъори хориҷӣ ворид мекунем, худамон дар дохил ба роҳ монда наметавонем?
Гуфта шуд, ки вазоратҳои маориф ва илм, саноат ва технологияҳои нав, Академияи миллии илмҳо ва муассисаҳои таҳсилоти олии касбиро зарур аст, ки барои ба талаботи замон мувофиқ намудани фаъолияти паркҳои технологӣ ва вобаста кардани онҳо ба корхонаҳои истеҳсолии алоҳидаи кишвар то охири имсол тадбирҳои дахлдор андешанд.
Инчунин Сарвари давлат Дастгоҳи иҷроияи Президенти мамлакатро вазифадор намуданд, ки ин масъаларо таҳти назорат гирифта, бо таъсиси комиссияи махсус самаранокии хароҷоти маблағҳои аз ҳисоби муассисаҳои таҳсилоти олӣ давоми даҳ соли охир барои паркҳои технологӣ ҷудогардидаро таҳлил карда, корҳои то охири сол амалишавандаро натиҷагирӣ намояд.
АКС аз бойгонӣ
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
