Дар Ҷамоати деҳоти Боғистони ноҳияи Шаҳринав корхонаи истеҳсоли гулоб ба истифода дода шуд
ШАҲРИНАВ, 07.06.2024 /АМИТ «Ховар»/. Ба истиқболи ҷашни 35-солагии Истиқлоли давлатӣ ва саноатикунонии мамлакат дар Ҷамоати деҳоти Боғистони ноҳияи Шаҳринав корхонаи истеҳсоли гулоби Ҷамъияти дорои масъулияти маҳдуди «Тоҷик табиб дору роз» ифтитоҳ гардид. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Сохтмони корхонаи истеҳсоли гулоби ҶДММ «Тоҷик табиб дору роз» соли 2018 оғоз гардида, масоҳати биною иншооти он 6 ҳазор метри мураббаъро ташкил менамояд. Корхона дар ҳамкорӣ бо соҳибкорони Ҷумҳурии Исломии Эрон бо ворид намудани дастгоҳу таҷҳизоти истеҳсолӣ ба маблағи 7 миллион сомонӣ аз давлатҳои Эрону Булғористон ва иҷрои корҳои сохтмонӣ ба маблағи 2 миллион сомонӣ бунёд гардида, 5 номгӯй маҳсулоти табобатӣ ва шифобахш истеҳсол менамояд.
Истеҳсол ва коркарди ашёи хоми ин корхона аз гули садбарги навъи роза ва лавандаи аврупоӣ мебошад. Дар майдони 27 гектар ин намудҳои растаниҳои нодир парвариш карда мешаванд. Зиёда аз 120 сокини ҷамоат ба таври мавсимӣ дар ин корхона ба кор ҷалб карда мешаванд.
Мувофиқи иттилои мутахассисони корхонаи истеҳсоли гулоб, маҳсулоти истеҳсолии он асосан хусусияти табобатӣ ва шифобахшӣ дошта, маҳсулоти истеҳсолшаванда ба бемориҳои фишорбаландӣ, системаи асаб ва узвҳои ҳозима дармон мебахшад.
Ёдовар мешавем, ки имрӯзҳо бо иқдоми соҳибкорони мамлакат дар партави дастуру супоришҳои Президенти Тоҷикистон муҳтарам Эмомалӣ Раҳмон барои амалӣ намудани ҳадафи чоруми миллӣ-саноатикунонии босуръати мамлакат корхонаҳои истеҳсолию саноатӣ мавриди баҳрабардорӣ қарор дода шуда, сокинон ба ҷойи кори доимӣ ва мавсимӣ таъмин мешаванд.
АКС: Мақомоти иҷроияи ҳокимияти давлатии ноҳияи Шаҳринав
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
