Эмомалӣ Раҳмон: «Ҷиҳати ислоҳоти соҳаи обтаъминкунӣ ва беҳдошти замин механизмҳои нави маблағгузорӣ таҳия ва амалӣ карда шаванд»
ДУШАНБЕ, 10.06.2024 /АМИТ «Ховар»/. Тоҷикистон, ки сарзамини кӯҳсор аст, аз офатҳои табиӣ хеле осебпазир мебошад. Соли гузашта, дар маҷмӯъ, зиёда аз 550 офати табиӣ, аз ҷумла селу обхезӣ ва ярчу тармафароӣ дар ҷумҳурӣ ба қайд гирифта шудааст. Дар натиҷа 51 нафар ба ҳалокат расида, ба иқтисоди миллӣ хисороти зиёди молӣ ва моддӣ (қариб 100 миллион сомонӣ) ворид гардид. Дар фасли баҳори соли 2024 низ боришоти пайдарпай ба хоҷагиҳои хонаводагӣ ва кишоварзӣ хисороти зиёд ба бор оварданд. Ин масъаларо зимни суханронӣ Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи Шурои миллии рушд, ки имрӯз дар пойтахти мамлакат-шаҳри Душанбе баргузор гардид, таъкид намуданд.
Президенти Тоҷикистон аз хеле камбориш омадани тирамоҳу зимистони гузашта ёдовар шуда, иброз намуданд, ки ин ҳолат боиси коҳиши манбаъҳои ташаккулёбии захираҳои оби минтақа, ки беш аз 60 фоизи онҳо дар қаламрави Тоҷикистон ҷойгиранд, мегардад.
«Аз ин лиҳоз, бо эҳтимоли зиёд, соли равон низ моро камобиву хушксолӣ дар пеш аст. Дар баробари ин, ҳамасола бо сабабҳои таъсири омилҳои экологию хоҷагидорӣ заминҳои таъиноти кишоварзӣ аз гардиш берун мемонанд. Ҳоло зиёда аз 40 ҳазор гектар замин дар ҳолати ғайриқаноатбахши мелиоративӣ қарор дорад.Чунин ҳолат боиси сарбории иловагӣ ба буҷети давлат мегардад»,- таъкид намуданд Пешвои миллат.
Президенти мамлакат тазаккур доданд, ки ҳамасола бо дастгирии шарикони рушд лоиҳаҳои сармоягузории давлатӣ дар самтҳои мутобиқшавӣ ба тағйирёбии иқлим, пешгирии офатҳои табиӣ, соҳилмустаҳкамкунӣ, обёрӣ ва беҳдошти замин, барқарорсозии чарогоҳҳо ва дигар самтҳо амалӣ мешаванд, аммо ин маблағҳо кофӣ нестанд.
«Бинобар ин, зарур мешуморам, ки ҷиҳати ноил шудан ба натиҷаҳои устувори пешгирӣ аз пайомадҳои манфии офатҳои табиӣ, ислоҳоти соҳаи обтаъминкунӣ ва беҳдошти замин механизмҳои нави маблағгузорӣ таҳия ва амалӣ карда шаванд», — супориш доданд Сарвари давлат.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар Душанбе оид ба мониторинг ва арзёбии ҳуҷҷатҳои банақшагирии стратегӣ дар соли 2025 ҷаласа доир шуд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
Даври омӯзишии «Асосҳои моликияти зеҳнӣ» санҷиш, ҳифзу ҳимоя ва ҳуқуқвайронкуниҳои ин соҳаро фаро гирифт
Дар ноҳияи Мастчоҳ нақшаи ҷамъоварии пахта қариб 80 фоиз иҷро гардидааст
Дар Душанбе масъалаи татбиқи хизматрасонии давлатии мақомоти андоз дар шакли электронӣ баррасӣ шуд
Аз ҷониби Палатаи ҳисоб маблағҳои қоидавайронкунии молиявӣ қариб 98 фоиз барқарор карда шуданд
Дар Шарҷа масъалаи тақвияти ҳамкории иқтисодӣ байни Тоҷикистон ва Амороти Муттаҳидаи Араб баррасӣ гардид
Ҷаласаи Гурӯҳи корӣ оид ба мониторинг ва арзёбии ҳуҷҷатҳои банақшагирии стратегӣ дар соли 2025 доир шуд
Имконоти гидроэнергетикии Тоҷикистон дар Конфронси 29-уми ҷаҳонии сармоягузорӣ дар Шарҷа муаррифӣ гардид
Пахтакорӣ яке аз бахшҳои муҳими соҳаи кишоварзии ноҳияи Данғара ҳисобида мешавад
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
