ФУТБОЛ. Машғулиятҳои омӯзишӣ аз рӯйи барномаи иҷозатномаи «В» ба охир расид

ДУШАНБЕ, 21.06.2024 /АМИТ «Ховар»/. 20 июн  дар шаҳри Душанбе машғулиятҳои мураббигӣ аз рӯйи барномаи муҷаввизи «В» оид ба футбол  ба анҷом расид, хабар медиҳад АМИТ «Ховар» бо истинод ба Федератсияи футболи Тоҷикистон.

Марҳилаи якуми машғулиятҳои мураббигӣ дар Душанбе аз 11 то 20 май ва марҳилаи дуюм аз 11 то 20 июн баргузор гаштанд.

Дастурдиҳандаи асосии машғулиятҳо инструктори Конфедератсияи футболи Осиё Боир Игамбердиев ва ёвари ӯ инструктори Федератсияи футболи Тоҷикистон Аслиддин Ҳабибуллоев буданд.

Дар ҷамъбасти машғулиятҳои мураббигӣ директори техникии Федератсияи футболи Тоҷикистон Увайдо Давлатбеков иштирок намуда, иштирокчиёнро барои хатми бомуваффақонаи машғулиятҳо табрик карда, ба онҳо дар фаъолияти минбаъда барору комёбӣ таманно намуд.

АКС: Федератсияи футболи Тоҷикистон