Кумитаи ҳолатҳои фавқулода ва мудофиаи гражданӣ: «Баъзе аз шаҳрвандон қоидаҳои бехатариву амниятро риоя намекунанд»
ДУШАНБЕ, 25.06.2024 /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо такя ба иттилои Агентии обуҳавошиносӣ, дар бораи 23 ва 24 июн дар баъзе митақаҳои мамлакат номусоид шудани ҳаво ва боқӣ мондани эҳтимоли сар задани сел ҳушдор дода, ба аҳолии дар доманакӯҳҳо ва ноҳияҳои кӯҳӣ истиқоматкунанда тавсия дод, ки дар ин рӯзҳо аз сафар ба минтақаҳои хатар, ҷамъоварии ҳезум, гиёҳҳои шифобахш, моҳидорӣ ва нигоҳубини чорво дар саҳро худдорӣ кунанд.
Тавре аз Кумитаи ҳолатҳои фавқулода ва мудофиаи гражданӣ ба АМИТ «Ховар» изҳор доштанд, бо вуҷуди чандин маротиба огоҳ намудани сокинон, мутаассифона, на ҳамеша аз ҷониби шаҳрвандон қоидаҳои бехатариву амният ба инобат гирифта мешавад.
Ҳамин беъэтиборӣ буд, ки 23 июни соли равон ду сокини деҳаи Солмолидашти Ҷамоати деҳоти «Тоҷикистон»-и ноҳияи Балҷувони вилояти Хатлон, ки 18 ва 20 сол доштанд, дар ҳавои боронӣ барои ҷамъоварии ғизои чорво ба саҳро рафта , дучори барқзанӣ шуданд ва дар ҷойи ҳодиса ба ҳалокат расиданд.
Инчунин дар ин рӯз дар деҳаҳои Панҷрӯд, Шашқад ва Артучи Ҷамоати деҳоти Рӯдакии шаҳри Панҷакент сел роҳи байни деҳаҳоро баст. Мутаассифона, ҳангоми кӯшиши убур аз сел, як сокини 22-солаи деҳаи Шашқади Ҷамоати деҳоти Рӯдакӣ ба ҳалокат расидааст. Ҷасад пайдо ва ба мақомоти ҳифзи ҳуқуқ супурда шуд. Дар ин мавзеъҳо кори бартараф намудани оқибатҳои офати табиӣ бо истифода аз техникаи вазнини муҳандисӣ идома дорад.
Кумита ҳамчунин бо мақсади пешгирӣ аз офатҳои табиӣ, сокинони мамлакатро пайваста даъват менамояд, ки дар ин рӯзҳо сари вақт селроҳаҳо, ҷӯйю каналҳои назди хонаҳои худро аз ҳар гуна хасу хошоку сангу рег тоза намуда, эҳтиёт бошанд.
23 июн дар шаҳри Панҷакент, ноҳияи Лахш, дар деҳаи Ёл, Ҷамоати деҳоти ба номи Нуриддин Маҳмудови ноҳияи Шамсиддин Шоҳин ва ноҳияи Шаҳристон борони шадид сабаби омадани селҳо шуд.
Бар асари сел қитъаи наздиҳавлигии сокинон ва роҳи байни деҳаҳо осеб диданд. Барои рафъи оқибатҳои офати табиӣ техника ва кормандони хадамоти роҳи ноҳия ҷалб карда шудааст.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Эмомалӣ Раҳмон: «Тавоноии миллату давлат бо устувориву пойдории мавҷудияти ваҳдати миллӣ ва сулҳу субот пайванди ногусастанӣ дорад»
Вазири тандурустӣ ва ҳифзи иҷтимоии аҳолии Тоҷикистон дар шаҳри Урумчии Чин бо донишҷӯёни тоҷик вохӯрӣ анҷом дод
«МО БО ШУМО ИФТИХОР МЕКУНЕМ!». Таҳти чунин унвон ҳайати гурӯҳи кории Кумитаи кор бо ҷавонон ва варзиш бо афсарону сарбозон вохӯрӣ намуд
Қабул шудани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» иқдоми зарурӣ ба саривақтӣ мебошад
Сарвари давлат: «Қаҳрамони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Намояндагони Тоҷикистон дар Фестивали ҷаҳонии ҷавонон дар Узбекистон иштирок доранд
Сардори Хадамоти иҷро Барно Саидвализода: «Ягона омили муассири ҳаёти осоишта ва рӯзгори равшану босаодат ваҳдат ва сулҳу ҳамдилӣ мебошад»
ПЕШВОИ ЯТИМПАРВАРИ МИЛЛАТ. Барои 50 нафар ятими кулл — сарбозони Артиши миллӣ саёҳат ба мавзеъҳои ҷолиби шаҳрҳои Ҳисор ва Душанбе ташкил гардид
Ҷавонони Тоҷикистон дар Форуми ҷаҳонии ҷавонони Узбекистон иштирок мекунанд
ОГОҲИИ АГЕНТИИ ОБУҲАВОШИНОСӢ. Аз 26 то 28 июн дар Тоҷикистон ҳавои номусоид дар назар аст
Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав» ба кори худ оғоз намуд
Сарвазири Тоҷикистон Қоҳир Расулзода дар ноҳияи Нуробод бо ҷараёни корҳои бартарафсозии офати табиӣ ва раванди тадбирҳои ободонӣ шинос шуд
