Ноиби Президенти Замбия Мутале Налуманго: «Мо барои ҳалли мушкилоти норасоии об ба Душанбе омадем»
ДУШАНБЕ, 10.06.2024 /АМИТ «Ховар»/. Имрӯз барои мо аён аст, ки норасоии об чӣ гуна ба мушкилии ҷиддӣ табдил ёфтааст. Барои ҳалли ин мушкилот мо бояд ба ҳам оем ва барои ҳамин ба Душанбе омадем, то таҷрибаамонро мубодила карда, роҳҳои ҳалли ин масъаларо пайдо кунем. Ин матлабро ноиби Президенти Замбия Мутале Налуманго зимни ташрифаш ба Тоҷикистон баён намуд.
Мутале Налуманго иброз намуд, ки «мо ин ҷо барои мудирияти дурусти об ташриф овардаем. Фикр мекунам, ки барои Ҷумҳурии Замбия ин аз аҳамият холӣ нест».
Ба гуфти Мутале Налуманго, «ин конфронс дар замоне баргузор мегардад, ки Замбия рӯзҳоеро аз сар мегузаронад, ки қаблан дучор нагардида буд. Мушкилоти дастрасӣ ба оби тоза вобаста ба афзоиши аҳолӣ ва соҳаҳои гуногуни хоҷагии халқ рӯз ба рӯз зиёд мешавад. Ин раванд, ки яке аз мушкилоти асосӣ дар ҷаҳон ба ҳисоб меравад, моро водор мекунад, ки истифодаи оқилонаи обро ба роҳ монем».
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи апрели соли 2015 дар Ҷумҳурии Кореяи Ҷанубӣ дар маросими ифтитоҳи Форуми ҳафтуми ҷаҳонии об бо иштироки зиёда аз 30 ҳазор нафар ва намояндагони созмонҳои бонуфузи байналмилалӣ, олимону коршиносони ҷаҳонии соҳаи об суханронӣ намуда, оид ба натиҷаҳои Даҳсолаи байналмилалии амалиёт «Об барои ҳаёт», солҳои 2005 — 2015, ки ҳадафи он ду баробар кам кардани шумораи аҳолии ба оби нӯшокӣ ниёздошта буд, изҳори ақида намуданд.
Зимни суханронӣ Президенти Тоҷикистон муҳтарам Эмомалӣ Раҳмон изҳор доштанд, ки «масъалаи норасоии оби нӯшокӣ мушкилоти як мамлакат ё минтақаи алоҳида набуда, балки мушкилоти умумиҷаҳонӣ аст, чунки он яке аз муҳимтарин омил барои зинда мондани инсоният аст».
Созмонҳои бонуфузи байналмилалӣ имрӯзҳо аз ташаббусҳои неки Тоҷикистон ҳарф мезананд ва ба Президенти Ҷумҳурии Тоҷикистон муҳтарам Эмомалӣ Раҳмон барои талошҳои пайваста дар самти ҳалли масоили об изҳори сипос менамоянд. Ин иқдом нишони он аст, ки Тоҷикистон ба ҳалли мушкилоти мардумони кишварҳои дигар бетафовут нест.
АКС аз манбаъҳои боз
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН ДАР САРХАТИ ТАШАББУСҲОИ ҶАҲОНӢ. Андешаҳо дар мавриди қабули қатъномаи таърихии Тоҷикистон оид ба зеҳни сунъӣ дар Маҷмаи Умумии СММ
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Дар Бадахшон оид ба ташаббусҳои ҷаҳонии Президенти Тоҷикистон ҳамоиши ҷумҳуриявӣ доир шуд
Мушоҳидаи аэровизуалӣ ва георадарии ҳолати пиряхҳо ва кӯлҳои кӯҳии Тоҷикистон гузаронида шуд
