РӮЗИ БАЙНАЛМИЛАЛИИ ҲИФЗИ КӮДАКОН. Дар Академияи миллии илмҳои Тоҷикистон бахшида ба он ҳамоиш доир шуд
ДУШАНБЕ, 01.06.2024 /АМИТ «Ховар»/. 31 май дар Академияи миллии илмҳои Тоҷикистон бахшида ба Рӯзи байналмилалии ҳифзи кӯдакон ҳамоиши фарҳангӣ – фароғатӣ ва озмуни «Рассоми беҳтарин байни кӯдакон» доир гардид. Дар хусус ба АМИТ «Ховар» дар Академияи миллии илмҳои Тоҷикистон иттилоъ доданд.
Президенти Академияи миллии илмҳои Тоҷикистон, узви вобастаи академия Қобилҷон Хушвахтзода иброз намуд, ки «воқеан кӯдакон давомдиҳанда ва номбардори падару модар ба ҳисоб рафта, мо насли калонро мебояд фарзандонро дар фазои орому осоишта, дар шароити мусоид бо меҳру муҳаббати бепоёни инсонӣ парварида, мутобиқ ба руҳу равони онҳо амал намуда, онҳоро дар руҳияи дӯст доштани волидон, Ватан, табиат, ҷамъият, арзишҳои миллӣ тарбия намоем, то кӯдак оянда дар ҷамъият мавқеи худро пайдо карда тавонад».
Ҳамчунин гуфта шуд, ки ин сана ба мо, калонсолон ҳамеша ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мо аст. Мо онҳоро бояд дӯст дорем ва меҳру муҳаббатамонро дар вуҷуди поки кӯдакон ҷой диҳем.
Дар доираи озмуни «Рассоми беҳтарин байни кӯдакон» кӯдакон бо шавқу ҳаваси бепоён дар рӯи замин расмҳои дӯстдоштаи худро кашиданд. Онҳо дар саҳни бинои Раёсати Академияи миллии илмҳои Тоҷикистон рассомӣ намуда, аз ҳунару истеъдоди худ волидон ва дигар иштирокдорони ҳамоишро воқиф намуданд. Дар озмун кӯдакон расмҳои ватандӯстонаашонро пешкаши ҳозирин намуданд.
АКС: Академияи миллии илмҳои Тоҷикистон
ШАБИ ЯЛДО. Имрӯз дар Тоҷикистон зимистони астрономӣ фаро мерасад
Дар Душанбе маҳфили адабии нависанда, драматург, тарҷумон ва публисист Мансур Суруш доир гардид
Дар «Тоҷикфилм» лоиҳаҳои синамоӣ рӯнамоӣ мегарданд
Баргузории рӯзҳои фарҳанг байни Тоҷикистон ва Эрон баррасӣ шуд
Қасри фарҳанги ноҳияи Шамсиддини Шоҳин ба номи Давлатманд Хол гузошта шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ Маркази фарҳангию фароғатӣ сохта мешавад
ҲАР ОН КАС КИ ШОҲНОМАХОНӢ КУНАД. Андешаҳои профессор Нуралӣ Нурзод вобаста ба баргузории озмуни «Шоҳномахонӣ»
Дуғдоғи беозору зебо «Парандаи сол-2025» дар Тоҷикистон интихоб шуд
Дар Самарқанд спектаклҳои «Хунхори Торросӣ» ва «Агар ҷанг намебуд» намоиш дода мешаванд
Ҳамкории Тоҷикистон ва Миср дар самти таҳқиқ ва омӯзиши мероси таърихию фарҳангӣ густариш меёбад
Ҳайати Тоҷикистон дар ҷаласаи Шурои директорони осорхонаҳои миллии Осиёи Марказӣ иштирок намуд
«ТОҶИКИСТОН-КИШВАРИ ЁДГОРИҲОИ ТАЪРИХӢ». Дар Ҷумҳурии Арабии Миср намоиши байналмилалӣ ифтитоҳ ёфт
