Се корманди «Амонатбонк» ғолиби озмуни «20 бонуи муваффақ дар соҳаи бонкдории Тоҷикистон» шуданд

Июнь 23, 2024 14:41

ДУШАНБЕ, 23.06.2024 /АМИТ «Ховар»/. Дар озмуни «20 бонуи муваффақ дар соҳаи бонкдории Тоҷикистон», ки дар Душанбе ҷамъбаст гардид, се корманди Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ғолиб дониста шуанд, хабар медихад АМИТ «Ховар» бо истинод ба «Амонатбонк».

Ғолибони озмуни мазкур- мудири филиали №71-и «Амонатбонк» дар ноҳияи Рӯшон Зайнаб Мамадназарова дар номинатсияи «Корманди беҳтарини роҳбарикунанда», муовини сардори Идораи методология ва бозомӯзии кормандон Фирӯза Файзуллоева дар номинатсияи «Корманди беҳтарини идораи фаръи (Бэк офис)» ва муовини директори Департаменти пардохти нафақа ва кортҳои бонкӣ Мавҷуда Ҳакимова дар номинатсияи «Корманди беҳтарини кор бо амонат, пасандоз ва кортҳои бонкӣ» мебошанд.

Озмуни «20 бонуи муваффақ дар соҳаи бонкдории Тоҷикистон», ки бо ибтикори Ассотсиатсияи ташкилотҳои маблағгузории хурди Тоҷикистон ташкил шудааст, ҳадафаш ҳавасмангардонӣ ва баланд бардоштани мавқеи занон дар соҳаи бонкдорӣ, аз ҷумла дар баланд бардоштани вазъи иқтисодию иҷтимоии занон дар ҷомеаи муосир, ҷалби таваҷҷуҳи ҷомеа ба саҳми занон дар рушди иҷтимоиву иқтисодии мамлакат, раванди тақвиятбахшии иштироки занон дар ҳама самтҳои иқтисодӣ, аз ҷумла дар бахши молиявию бонкдорӣ мебошад.

Озмуни «20 бонуи муваффақ дар соҳаи бонкдории Тоҷикистон» аз рӯи номинатсияҳои «Корманди қарзии беҳтарин», «Корманди беҳтарини кор бо амонат, пасандоз ва кортҳои бонкӣ», «Корманди беҳтарини роҳбарикунанда», «Корманди беҳтарини соҳаи иттилооти технологии бонкӣ» ва «Корманди беҳтарин Идораи фаръӣ» гузаронида шуд.

Ғолибон барои фаъолияти назаррасу намунавӣ, таҷрибаву малакаи баланди касбӣ, саҳмгузорӣ дар рушду пешрафти соҳаи бонкдории мамлакат, иштироки фаъолона дар чорабиниҳои ҷамъиятиву фарҳангӣ ва ғайра интихоб гардиданд.

Ташкил ва баргузории чунин озмунҳо барои ҳавасманд намудани занону бонувони ҷумҳурӣ ва баланд бардоштани завқи онҳо нисбат ба касби худ мусоидат намуда, дар рушду пешрафти соҳаи бонкдории мамлакат нақши муассир мегузорад.

АКС: Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк»

Июнь 23, 2024 14:41

Хабарҳои дигари ин бахш

ҚУРБИ АСЪОР: 1 доллари ИМА аз 9.2104 то 9.2500 сомонӣ муқаррар шудааст
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Бонки миллии Тоҷикистон ҳамкориро бо Бонки миллии Швейтсария тақвият медиҳад
ҚУРБИ АСЪОР: 1 рубли русӣ аз 0.1132 то 0.1130 сомонӣ муқаррар шудааст
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
ҚУРБИ АСЪОР: 1 евро аз 10.7517 то 10.7000 сомонӣ муқаррар шудааст
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
ҚУРБИ АСЪОР: 1 рубли русӣ аз 0.1171 то 0.1150 сомонӣ муқаррар шудааст
ҚУРБИ АСЪОР: 1 евро аз 10.6876 то 10.7000 сомонӣ муқаррар шудааст