Ширкати «IRS»: «Шумораи техникаҳои пойгоҳи техникӣ ба 228 адад расид»
ДУШАНБЕ, 21.06.2024 /АМИТ «Ховар»/. Ба парки техникии ширкати «IRS» 10 адад техникаи нав — 3 трейлери пуриқтидор ва 7 нақлиёти махсусгардонишуда барои интиқоли масолеҳи барои нигоҳдории роҳ зарурӣ ворид карда шуд, ки дар умум шумораи техникаҳо ба 228 адад расид. Дар ин хусус АМИТ «Ховар» бо истинод ба филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон хабар медиҳад.
Тибқи иттилои маннбаъ, қаблан филиали ширкат барои бетаъхир бартараф кардани тармаҳо якчанд булдозер ва барои фавран интиқол додани онҳо трейлер харида буд. Таҷриба собит намуд, ки мавҷудияти трейлерҳо барои самаранокии фаъолият муфид мебошад. Аз ин лиҳоз барои ворид намудани 3 трейлери иловагӣтасмим гирифта шуд.
Дастрас намудани автомобилҳои боркаш низ барои боз ҳам беҳбуд бахшидани фаъолият, хоса дар самти интиқоли муназзами ашё ва масолеҳи сохтмонии дар нигоҳдории роҳ муҳим такони ҷиддӣ хоҳад бахшид.
Пойгоҳи техникии филиали ширкат аз ҳисоби мунтазам ворид гардидани техникаву механизмҳои замонавӣ қавӣ буда, вуруди техникаҳои нав онро пурқувваттар намуд. Ин иқдом минбаъд низ идома ёфта, то анҷоми сол вуруди техникаву механизмҳо дигар низ дар назар аст.
АКС: Филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
