Дар Душанбе мулоқоти намояндагони ширкатҳои дорусозии Ҳиндустон бо соҳибкорони тоҷик баргузор гардид
ДУШАНБЕ, 26.07.2024 /АМИТ «Ховар»/. Дар шаҳри Душанбе вохурии намояндагони ширкатҳои дорусозии Ҳиндустон бо соҳибкорони тоҷик баргузор гардид, хабар медиҳад мухбири АМИТ «Ховар».
Зимни ҳамоиш иттилоъ дода шуд, ки дар Тоҷикистон 582 намуди доруворӣ расман ба қайд гирифта шуда, беш аз 65 ширкати дорусозии Ҳиндустон дар истеҳсоли ин доруҳо бевосита иштирок менамоянд. Дар ҳудуди мамлакат зиёда аз 4,5 ҳазор гиёҳҳо ва растаниҳои шифобахш мерӯяд, вале ҳамагӣ 10 фоизи ин гиёҳҳо ва рустаниҳо дар истеҳсоли дору истифода мешаванд. Захираҳои бойи табиӣ, аз ҷиҳати экологӣ тоза то ҳоло истифоданашуда боқӣ мемонад.
Бинобар ин яке аз ҳадафҳои баргузории мулоқоти намояндагони ширкатҳои дорусозии Ҳиндустон бо соҳибкорони тоҷик баррасӣ намудани лоиҳаҳо барои таъсиси корхонаҳои муштараки истеҳсоли дору бо ҷалби сармояи Ҳиндустон арзёбӣ гардид.
Соҳаи дорусозӣ аз самтҳои муҳими заминагузор барои рушди иқтисод ва беҳтар гардонидани сифати ҳаёти одамон дониста мешавад. Соҳаи дорусозии Ҳиндустон давоми солҳои охир худро ҳамчун яке аз бахшҳои зудрушдкунанда нишон дода, ҳадаф гузоштааст, ки дар саноати дорусозии ҷаҳон мавқеи аввалро ишғол намояд.
Ҷониби Тоҷикистон ба тавсеаи ҳамкории тиҷоративу иқтисодӣ ва сармоягузории Ҳиндустон, аз ҷумла дар самти таъсис додани корхонаҳои муштараки истеҳсоли дору ҳавасманд мебошад.
Бо мақсади саноатикунонии босуръати мамлакат солҳои 2022-2026 дар Тоҷикистон Солҳои рушди саноат эълон шудааст. Дар доираи ин ҳадафи стратегӣ ва миллӣ, рушди саноати сабук ва хӯрокворӣ, металлургия ва мошинсозӣ, истеҳсоли масолеҳи сохтмонӣ, фарматсевтика, насб ва ҷорӣ намудани технологияи муосир, коркарди ниҳоии ашёи хом, аз ҷумла гиёҳҳои шифобахши доруворӣ дар назар дошта шуда, заминаҳои мусоид барои амалӣ шудани ин нақшаҳо гузошта шуданд.
Ҳоло дар Тоҷикистон 5 минтақаи озоди иқтисодӣ фаъолият мекунанд, ки дар онҳо тамоми шароитҳои зарурӣ барои сармоягузорон ва соҳибкорони хориҷӣ фароҳам оварда шудаанд. Ҳамчунин дар мамлакат раванди бунёди минтақаҳои саноатӣ, паркҳои техникӣ ва бизнес-инкубаторҳо идома дорад. Дар ин минтақаҳои саноатӣ корхонаҳои истеҳсолии хурд ва миёна фаъолият мекунанд. Таъкид карда шуд, ки Ҳукумати Ҷумҳурии Тоҷикистон пайваста лоиҳаҳои судмандро ҷиҳати бунёди корхонаҳои муштарак, аз ҷумла дар соҳаи истеҳсоли дору дастгирӣ менамояд.
Дар вохурӣ намояндагони беш аз 70 ширкати дорусозии Ҳиндустон иштирок намуданд.
Акрам САНГЗОДА,
АМИТ «Ховар»
АКС: АМИТ «Ховар»
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
