Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ДУШАНБЕ,14.07.2024/АМИТ «Ховар»/. Дар Вазорати рушди иқтисод ва савдо ҷаласаи Гурӯҳи кории байниидоравӣ оид ба таҳияи Стандартҳои миллии экологӣ, иҷтимоӣ ва идоракунии корпоративӣ (ESG) дар Ҷумҳурии Тоҷикистон бо иштироки намояндагони вазорату идораҳо, роҳбарият, намояндагӣ ва коршиносони Корпоратсияи байналмилалии молиявӣ баргузор гардид. Дар ин хусус ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон иттилоъ доданд.
Дар ҷаласа лоиҳаи қарори Ҳукумати Ҷумҳурии Тоҷикистон «Дар бораи Стандартҳои миллии экологӣ, иҷтимоӣ ва идоракунии корпоративӣ дар Ҷумҳурии Тоҷикистон» мурарифӣ гардид.
Гуфта шуд, ки Лоиҳаи Стандартҳои миллии экологӣ, иҷтимоӣ ва идоракунии корпоративӣ дар Ҷумҳурии Тоҷикистон бо дастгирии намояндагии Корпоратсияи байналмилалии молиявӣ дар Ҷумҳурии Тоҷикистон бо ҷалби коршиносони байналмилалӣ якҷо бо Вазорати рушди иқтисод ва савдо таҳия гардидааст.
Иштирокдорони ҷаласа масъалаҳои шарҳи муфассали Стандартҳои байналмилалии мавҷудаи ESG ва таҷрибаи давлатҳои ҷаҳон дар ҷоринамоии он, тартиби роҳандозӣ ва риояи Стандартҳои миллии экологӣ, иҷтимоӣ ва идоракунии корпоративӣ аз ҷониби ташкилотҳои аҳамияти калони ҷамъиятидошта дар Тоҷикистон, расонидани мусоидати иттилотию методологии вазорату идораҳо ва мақомоти иҷроияи маҳаллии ҳокимияти давлатӣ ба ташкилотҳое, ки Стандарти мазкур нисбат ба онҳо татбиқ мегардад, баррасӣ намуданд.
Намояндагони Корпоратсияи байналмилалии молиявӣ ва коршиносон вобаста ба таҷрибаи байналмилалӣ дар ин самт, иброз доштанд, ки дар давраи минбаъда барои баргузории машвартҳо барои ташкилоту корхонаҳои дар Тоҷикистон фаъолияткунанда, ки Стандартҳо нисбат ба онҳо татбиқ мешаванд, мусоидат менамоянд.
Намояндагони вазорату идораҳои дахлдор лоиҳаи Стандарти ESG-ро дар маҷмӯъ қобили дастгирӣ ва саривақтӣ ҳисобида, омодагии худро барои ҳамкорӣ иброз намуданд.
АКС: Вазорати рушди иқтисод ва савдои Ҷумҳурии Тоҷикистон
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод
Бахтиёр Ҷалилов аз Исфара: «Аз фурӯши зардолу фоида хуб ба даст оварда, сатҳи зиндагиамро баланд мебардорам»
