Дар Донишгоҳи байналмилалии сайёҳӣ ва соҳибкории Тоҷикистон Стратегияи рушд қабул гардид
ДУШАНБЕ, 03.08.2024 /АМИТ «Ховар»/. Имсол Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» ва Нақшаи амали Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040 дар марҳилаи якум (солҳои 2024-2026) таҳия ва бо қарори Ҳукумати Ҷумҳурии Тоҷикистон аз 29 июни соли 2024 тасдиқ гардид, ки дар низоми таҳсили олии мамлакат падидаи нав маҳсуб мешавад. Ин нуктаро ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода 2 август дар нишасти матбуотӣ изҳор дошт.
Убайдулло Асрорзода афзуд, ки Стратегияи рушди донишгоҳ барои давраи то соли 2040 аз 8 боб ва 10 самти асосӣ- такмили низоми идоракунии донишгоҳ, рушди инфрасохтори донишгоҳ, рақамикунонии фаъолияти донишгоҳ, такмили сиёсати академию таҳсилотӣ, тақвияти иқтидори кадрӣ, рушд ва дастгирии таҳқиқоти илмӣ ва фаъолияти инноватсионӣ, густариши робитаҳои байналмилалӣ, тақвияти фаъолияти тарбиявӣ ва рушди иҷтимоӣ, тақвияти ҳамкорӣ бо субъектҳои бозори меҳнат ва татбиқи принсипҳои рушди устувор дар фаъолияти донишгоҳ иборат мебошад. Стратегия дар 7 марҳила бо таҳияи нақшаҳои татбиқи он амалӣ карда мешавад.
Татбиқи ҳадафу вазифаҳои алоҳидаи Стратегияи рушди Донишгоҳи байналмилалии сайёҳӣ ва соҳибкории Тоҷикистон, ба монанди таҳияи низоми менеҷменти сифат, рақамикунонии равандҳои таълим, рушди таҳқиқоти илмӣ ва тиҷоратикунонии натиҷаҳои он, густариши робитаҳои байналмилалӣ, татбиқи принсипҳои иқтисоди «сабз» на танҳо барои донишгоҳ, балки баҳри дигар муассисаҳои таҳсилоти олии касбӣ ва низоми таҳсилоти олии мамлакат муфид мебошад.
Марзия САИДЗОДА,
АМИТ «Ховар»
АКС: АМИТ «Ховар»
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
