Дар Хадамоти назорати давлатии тандурустӣ ва ҳифзи иҷтимоии аҳолӣ бахшида ба иди касбии табибон ҳамоиш доир шуд
ДУШАНБЕ, 16.08.2024 /АМИТ «Ховар»/. Имрӯз дар Хадамоти назорати давлатии тандурустӣ ва ҳифзи иҷтимоии аҳолӣ бахшида ба иди касбии табибон — Рӯзи кормандони тандурустии Тоҷикистон (18 август) ҷаласаи тантанавӣ баргузор гардид.
Тавре ба АМИТ «Ховар» дар ин хадамот иттилоъ доданд, дар ҷаласа сардори Хадамоти назорати давлатии тандурустӣ ва ҳифзи иҷтимоии аҳолӣ Султон Бекмуродзода иброз намуд, ки «соҳаи тандурустӣ яке аз самтҳои муҳими иҷтимоӣ ба шумор рафта, Ҳукумати Ҷумҳурии Тоҷикистон ба он диққати махсус зоҳир менамояд. Маҳз бо сиёсати пешгирифтаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи тандурустӣ дар мамлакат сол то сол рушд меёбад».
Сардори Хадамот аз дастовардҳо ёдовар гардида, таъкид намуд, ки дар самти назорати фаъолияти тиббӣ ва ҳифзи иҷтимоӣ ҳамасола натиҷаҳои беҳтар ба даст оварда мешаванд. Ин омил ба сифати хизматрасонии тиббӣ, рушди сабку усулҳои табобат ва ворид намудани таҷҳизоти муосир ба муассисаҳои тандурустии мамлакат мусоидат менамояд.
Назорати фаъолияти фармасевтӣ натиҷаҳои хуб ба бор меоварад. Он шуруъ аз воридоти маводи доруворӣ ва молҳои тиббӣ то ба бозору муассисаҳои табобатӣ ворид гардидани онҳоро пайваста мавриди назорат қарор медиҳад. Ин фаъолият сабаби пешгирии ҳолатҳои ба мамлакат ворид гардидани маводи дорувории пастсифат, ба талабот ҷавобгӯ набуда ва тараққӣ ёфтани истеҳсолоти ватанӣ мегардад.
Имрӯз тамоми кормандони соҳаи тандурустӣ ба халқ хизмат расонида, вазифаашонро бо масъулияти баланд иҷро мекунанд ва шарафи касби пурифтихори хеш, яъне шифобахши дарди мардум буданро баланд мебардоранд. Дар ин раванд кормандони Хадамоти назорати давлатии тандурустӣ ва ҳифзи иҷтимоии аҳолӣ низ ба хотири рушди соҳаи тандурустӣ, ҳифзи иҷтимоии аҳолӣ ва ҳимояи сиҳатии сокинони мамлакат хизмат доранд.
Дар ҷаласа ба кормандони Хадамот Ифтихорнома ва нишонҳои «Аълочии тандурустии Тоҷикистон» супорида шуданд.
АКС: Хадамоти назорати давлатии тандурустӣ ва ҳифзи иҷтимоии аҳолӣ
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
Ба муносибати Рӯзи байналмилалии ҳифзи ҳуқуқи кӯдак дар боғи «Курӯши Кабир» чорабинии тантанавӣ баргузор шуд
