СОЛҲОИ РУШДИ САНОАТ. Дар Истаравшан корхонаи истеҳсоли сӯзандору ва системаи қатравии яккарата бунёд мешавад
ДУШАНБЕ, 29.08.2024. /АМИТ «Ховар»/. Дар доираи Солҳои рушди саноат (2022-2026) дар шаҳри Истаравшан корхонаи нави саноатии Ҷамъияти дорои масъулияти маҳдуди «Сино медикал» бунёд мегардад, ки дар он сӯзандору ва системаи қатравии яккарата истеҳсол мешавад. Дар ин хусус АМИТ «Ховар» бо истинод ба дафтари матбуоти Раиси шаҳри Истаравшан хабар медиҳад.
Ҷамъияти дорои масъулияти маҳдуди «Сино медикал» дар вилояти Суғд нахустин корхонае аст, ки сӯзандору ва системаи қатравӣ- маҳсулоти воридотивазкунанда истеҳсол менамояд.
Барои бунёди ин корхона беш аз 10 миллион сомонӣ сармоягузорӣ гардида, дастгоҳу таҷҳизот аз давлатҳои пешрафтаи ҷаҳон ворид шудаанд.
Дар корхона дар як сол то 60 миллион дона сӯзандоруи яккарата ва 5 миллион дона системаи қатравӣ истеҳсол карда мешавад. Бо фаъол гардидани ин корхона воридоти ин навъи маҳсулот кам шуда, дар корхона дар се баст беш аз 120 нафар бо ҷойи кор ва маоши хуб таъмин мегарданд.
Ҳамчунин бахшида ба 35-солагии Истиқлоли давлатии Ҷумҳурии Тоҷикистон дар Ҷамоати деҳоти Зарҳалоли шаҳри Истаравшан корхонаи нави саноатӣ барои истеҳсоли моеъи зидди ях (антифриз) бунёд мешавад.
АКС: Дафтари матбуоти Раиси шаҳри Истаравшан
Дар шаҳри Ваҳдат «Фестивали намоиш ва фурӯши чорвои зотӣ» баргузор мегардад
Раванди иҷро ва мушкилоти рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо баррасӣ гардид
ПАНЕЛҲОИ ОФТОБӢ. Ва ё қадаме ба сӯи истиқлолияти энергетикӣ ва ҳифзи сайёра
Байни Тоҷикистон ва Корея оид ба татбиқи лоиҳаҳо дар соҳаи нақлиёт Ёддошти тафоҳум ба имзо расид
Доир ба муаррифӣ ва баррасии имконоти сармоягузории Тоҷикистон ҳамоиш баргузор гардид
WTDC-2025: Тоҷикистон ва Эрон дурнамои ҳамкорӣ дар соҳаи алоқаи барқиро баррасӣ намуданд
Султон Раҳимзода дар Форуми байналмилалии «Istanbul Development Dialogues 2025» рушди иқтисоди «сабз» дар Тоҷикистонро муаррифӣ намуд
Неругоҳи офтобӣ дар ноҳияи Ашт 115 ҳазор хоҷагиро бо неруи барқ таъмин менамояд
То соли 2030 истеҳсоли неруи барқ аз ҳисоби манбаъҳои офтобӣ ва бодӣ ба 3000 МВт мерасад
Натиҷаҳои марҳилаи аввали лоиҳаи «Ташаббуси ҷаҳонии масъулиятшиносии мақоми олии аудит» муаррифӣ карда шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
