Дар назди Институти зоология ва паразитология озмоишгоҳи паразитологӣ таъсис дода шуд
ДУШАНБЕ, 01.08.2024 /АМИТ «Ховар»/. Дар назди Институти зоология ва паразитологияи ба номи Е.Н. Павловскийи Академияи миллии илмҳои Тоҷикистон озмоишгоҳи паразитологӣ таъсис дода шуд.
Тавре ба АМИТ «Ховар» дар Академияи миллии илмҳо хабар доданд, озмоишгоҳ бо асбобу таҷҳизоти муосир муҷаҳҳаз гардонида шуда, яке аз таҷҳизоти замонавии он таҷҳизоти таҳлили иммуноферментӣ (ЭЛАЙЗА) ба шумор меравад. Он барои муайян намудани якчанд бемориҳои хавфноки зоопаразитӣ, аз қабили трихинеллёз, эхинококкоз, трипоносомоз, токсокароз ва описторохоз истифода бурда мешавад. Ҳамзамон беш аз 30 номгӯй лавозимоти лабораторӣ, таҷҳизоти гуногуни замонавӣ барои таҳқиқоти биологӣ ва паразитологӣ насб карда шудаанд.
Таъсиси озмоишгоҳи нав имконият медиҳад, ки институт бо якчанд муассисаҳои давлатӣ, байналмиллалӣ ва ташкилоту корхонаҳои хусусӣ ҳамкорӣ намуда, фаъолияташро барои рушди илм ва таъмини бехатарии биологӣ ва амнияти озуқаворӣ бо дигар муассисаҳо дар ҳамоҳангӣ вусъат бахшад.
Бояд гуфт, ки таъмини бехатарии биологӣ ва амнияти озуқавории мамлакат аз муҳимтарин ҳадафҳои стратегии ҷумҳурӣ ба шумор рафта, махсусан масъалаи ташхис ва сари вақт ошкор намудани бемориҳои хавфноки зоонозӣ, ки манбаи табиии нигоҳдоранда ва паҳнкунандаи онҳо ҳайвонот ба шумор рафта, боиси сироят ёфтани одамон мешаванд, аз муҳимтарин масъалаҳои илми паразитология ба ҳисоб меравад.
Ёдовар мешавем, ки бо назардошти зарурати рушди илмҳои табиӣ ва риёзӣ аз ҷониби Президенти Ҷумҳурии Тоҷикистон муҳтарам Эмомалӣ Раҳмон солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон гардид, ки ин нишони таваҷҷуҳи хоссаи Ҳукумати мамлакат ба таъмини рушд ва инкишофи устувори ҷумҳурӣ мебошад.
АКС: Академияи миллии илмҳои Тоҷикистон
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
