Дар Панҷакент Рӯзи кормандони соҳаи тиб таҷлил карда шуд
ДУШАНБЕ, 16.08.2024 /АМИТ «Ховар»/. 15 август дар шаҳри Панҷакент бо иштироки собиқадорон ва кормандони соҳаи тандурустӣ Рӯзи кормандони соҳаи тиб гузаронида шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Дар ҳамоиш таъкид шуд, ки маҳз бо ибтикори Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола 18 август иди касбии кормандони тиб ҷашн гирифта мешавад.
Президенти мамлакат муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон таъкид намуданд, ки соҳаи тандурустӣ ва ҳифзи иҷтимоии аҳолӣ самти афзалиётноки сиёсати давлати Тоҷикистон ба ҳисоб меравад.
Дар замони соҳибистиқлолӣ соҳаи тандурустӣ дар мамлакат, аз ҷумла дар шаҳри Панҷакент рушд ёфт, сатҳи хизматрасонии тиббӣ боло рафта, таъминоти муассисаҳои тандурустӣ бо таҷҳизоти тиббӣ беҳтар гардид.
Маблағгузории соҳа дар чор соли охир 49,7 фоиз афзуда, ҳоло 165 муассисаи тиббӣ, аз ҷумла 25 муассисаи госпиталӣ бо 3100 нафар духтурон ва кормандони миёнаи тиб ҳифзи саломатии аҳолиро ба уҳда доранд.
Ҳамасола бо истифода аз сарчашмаҳои гуногуни маблағгузорӣ дар шаҳр муассисаҳои нави тиббӣ бунёд карда мешаванд.
Дар ҳамоиш ба як зумра кормандони тиб нишони «Аълочии тандурустии Тоҷикистон», «Ифтихорнома» ва «Сипоснома»-и Вазорати тандурустӣ ва ҳифзи иҷтимоӣ, Раёсати тандурустии вилояти Суғд ва мақомоти иҷроияи маҳаллии ҳокимияти давлатии шаҳр супорида шуд.
АКС: Мақомоти иҷроияи ҳокимияти давлатии шаҳри Панҷакент
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
