Донишгоҳи байналмилалии сайёҳӣ ва соҳибкории Тоҷикистон бо 12 муассисаи таълимии хориҷӣ шартномаи ҳамкорӣ ба имзо расонид
ДУШАНБЕ, 02.08.2024 /АМИТ «Ховар»/. Имсол Донишгоҳи байналмилалии сайёҳӣ ва соҳибкории Тоҷикистон бо 12 муассисаи таълимӣ ва марказҳои таълимиву илмӣ-таҳқиқотии хориҷи мамлакат шартномаҳои нави ҳамкорӣ ба имзо расонид, ки ба татбиқи барномаҳои таҳсилоти муштарак, ҷорисозии таҳсилоти дуалӣ ва дудиплома, табодули академии донишҷӯён, такмили ихтисоси омӯзгорон, таҳияи лоиҳаҳои сармоягузории муштарак, амалисозии чорабиниҳои илмӣ ва таҳқиқоти муштараки илмӣ равона гардидаанд. Дар ин хусус имрӯз ба доираи васеи намояндагони воситаҳои ахбори оммаи мамлакат ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода иттилоъ дод.
Дар ин давра ташрифи шарикони хориҷӣ ба донишгоҳ бамаротиб афзуда, роҳбарият ва намояндагони муассисаҳои таҳсилоти олии касбӣ ва илмии Корея, Британияи Кабир, Олмон, Чин, Арабистони Саудӣ ва Узбекистон ба донишгоҳ омаданд. Инчунин имсол барои тақвияти ҳамкорӣ бо намояндагони муассисаҳои Чин, Испания, Швейтсария, Малайзия, Эстония, Ҳиндустон, Қатар, Русия, Эрон, Қазоқистон ва Узбекистон 14 мулоқоти маҷозӣ анҷом дода шуд.
Моҳи марти имсол роҳбари минтақаи Аврупои шарқӣ ва Осиёи марказии дафтари Институти Гёте (Goethe-Institut) доктор Ҳайке ба ин донишгоҳ омад, ки зимни мулоқот масъалаи густариши ҳамкорӣ баррасӣ гардид.
«Яке аз рӯйдодҳои муҳим дар ин давра ташрифи Президенти Бонки Исломии Рушд доктор Муҳаммад Сулаймон Ал-Ҷассер ба донишгоҳ ва бо унвони ифтихории «Профессори фахрӣ» сарфароз гардонидани ӯ мебошад»,- афзуд Убайдулло Асрорзода.
Ҳамзамон сафари кории намояндагони раёсат ва омӯзгорону кормандони донишгоҳ баҳри бастани созишномаҳои ҳамкорӣ, гузаштан аз даврҳои такмили ихтисос ва иштирок дар чорабиниҳои илмӣ ба Давлати Қатар, Олмон, Чин, Эрон, Ҳиндустон, Туркия, Русия ва Узбекистон доир шуд. Ҳамзамон роҳбарияти донишгоҳ дар Форуми байналмилалии сайёҳии ITB Berlin-2024, Форуми сармоягузории Тоҷикистон ва Қатар, Форуми иқтисодии ҷавонони Авруосиё, Форуми иқтисодии байналмилалии Қазон ва Намоишгоҳи байналмилалии сайёҳии Теҳрон ва саноати марбут ба он иштирок намуданд.
Таъкид гардид, ки дар шароити воридшавӣ ба фазои ҷаҳонии таҳсил ба роҳ мондани ҳамкории байналмилалӣ яке аз масъалаҳои муҳимтарини муассисаҳои таълимӣ маҳсуб мешавад. Ин масъала барои Донишгоҳи байналмилалии сайёҳӣ ва соҳибкории Тоҷикистон ҳамчун муассисаи таҳсилоти олии касбии дорои мақоми байналмилалӣ хеле муҳим мебошад.
Марзия САИДЗОДА,
АМИТ «Ховар»
АКС: АМИТ «Ховар»
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
«EDONISH: МАКТАБ, ВОЛИДАЙН ВА ТАҲСИЛОТ ДАР МУҲИТИ РАҚАМӢ». Дар Душанбе нишасти матбуотӣ доир гардид
Ёддошти тафоҳум оид ба рушди фаъолияти илмӣ ва таълимӣ дар самти дипломатияи об ба имзо расид
Дар нуҳ моҳ машғулиятҳои кӯтоҳмуддати касбомӯзиро 6597 нафар хатм намуданд
Дилрабо Мансурӣ бо ҷараёни баргузории даври ниҳоии Озмуни «Илм – фурӯғи маърифат» шинос шуд
ТАЪТИЛИ ТИРАМОҲӢ. Ин давра имконияти хуби мустаҳкам кардани робитаи наздик байни падару модар ва фарзанд аст
