НИШАСТИ МАТБУОТӢ. Бо дахолати прокуророн 142 миллион сомонӣ қарзи музди меҳнат пардохт шуд
ДУШАНБЕ, 09.08.2024. /АМИТ «Ховар»/. Ҳимояи ҳуқуқҳои соҳибкорон таҳти назорати доимии мақомоти прокуратура қарор дошта, барои гузаронидани санҷишҳои беасос, дахолат ба фаъолияти соҳибкорон, ғайриқонунӣ аз онҳо ситонидани маблағ ва дигар қонуншиканиҳо 11 парвандаи ҷиноятӣ оғоз карда шуда, 180 шахси мансабдор ба ҷавобгарии гуногун кашида шуд. Дар ин хусус имрӯз зимни нишасти матбуотӣ Прокурори генералии Ҷумҳурии Тоҷикистон Юсуф Раҳмон иттилоъ дод.
Дар нишасти матбуотӣ гуфта шуд, ки давоми шашмоҳаи якуми соли 2024 аз ҷониби Прокуратураи генералӣ вобаста ба таъмини волоияти қонун, ҳифзи ҳуқуқу озодиҳои шаҳрвандон, манфиатҳои давлат ва ҷомеа, инчунин мубориза бар зидди ҷинояткорӣ 4 412 санҷиш гузаронида шуда, 2 535 парвандаи ҷиноятӣ оғоз ва 41 300 нафар ба ҷавобгарии гуногун кашида шуданд. Ҳуқуқу манфиатҳои 115 600 нафар барқарор гардид.
Дар самти қонунгузорӣ оид ба замин 670 (124-то нисбат ба мансабдорон) парвандаи ҷиноятӣ оғоз шуда, 83 гектар қитъаи замин ба ҳолати аввала баргардонида ва 2, 5 миллион сомонӣ маблағи зарар барқарор шуд.
Ба 997 қарори раисони шаҳру ноҳияҳо эътироз оварда шуд.
Вобаста ба риояи талаботи меъморӣ ва шаҳрсозӣ 21 парвандаи ҷиноятӣ оғоз ва 296 нафар ба ҷавобгарии маъмурӣ кашида шуданд.
4440 қонунвайронкунии ҳифзи меҳнат ошкор ва 70 парвандаи ҷиноятӣ оғоз карда, 2700 нафар ба ҷавобгарии гуногун кашида шуданд. Бо дахолати прокуророн 142 миллион сомонӣ қарзи музди меҳнат пардохт карда шуд.
Оид ба ҳифзи муҳити зист 120 парвандаи ҷиноятӣ оғоз шуда, 1733 нафар ба ҷавобгарии маъмурӣ кашида шуданд.
Барои вайрон кардани танзими ҷашну маросим 1100 нафар ва таълиму тарбияи кӯдак 3089 нафар ба ҷавобгарӣ кашида шуда, 138 ҳолати монеъ шудан ба гирифтани таҳсили ҳатмии асосӣ ва 230 таълимоти ғайриқонунии динӣ бо ҷалби 329 нафар (177 нафар ноболиғон) ошкор ва тадбирандешӣ карда шуд.
АКС: Прокуратураи генералии Ҷумҳурии Тоҷикистон
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
Тоҷикистон ва Чин робитаҳои дуҷонибаро дар самти омода намудани кадрҳои баландихтисос таҳким мебахшанд
Дар Туркманистон масъалаи бешаҳрвандӣ ва бақайдгирии таваллуди кӯдак дар давлатҳои Осиёи Марказӣ баррасӣ шуд
БАР ВАТАН СОДИҚЕМ! Дар шаҳри Хуҷанд наваскарон савганд ёд намуданд
